اسلام امیرلیگی کانلر و پترولیم وزیرلیگی، آمودریا حوزهسی قشقری حدودلریدن قزیب چیقریلگن ۱۸ مینگ تُن خام نفت، ساتیلگنینی بیلدیردی.
کانلر و پترولیم وزیرلیگی، بوگون (۱۷-قوس/۸-دیسمبر، دوشنبه) بیر بیانیه ترقهتیب، اوشبو مقدار خام نفت ۱۰ میلیون ۵۰۰ مینگ دالر قیمتی گه ساتیلگنینی معلوم قیلدی.
بیانیه گه کوره، بو خام نفت داوطلبلیک آرقهلی «تصفیه خانهی کامران مشال» ایچکی شرکتی گه ساتیلگن.
آمودریا نفت حوزهسی، افغانستاننینگ مهم کانلریدن بیری حسابلنهدی – بو مملکتنینگ شمالی و تاجیکستان همده اۉزبېکستان چېگره حدودلریده جایلشگن. بو کان جمهوریت توزومی قولهمسدن آلدین، آست قورمه و امنیتی چېکلاولر باعث یېترلیچه قزیب چیقریلمسدی؛ بیراق سۉنگی ییللرده، افغانستانده سیاسی و امنیتی اۉزگریشلر بیلن بو حدود نفتینی قزیب چیقریش گه کوپراق دقت قیلینگن.
