قۉشنی مملکتلر جملهدن پاکستان و ایراندن جبری یاکه اۉز اېستهگی بیلن قیتگن یشاوچیلردن بیرقطاری، ایشسیزلیکدن نالیب و اسلام امیرلیگی ایش زمینهسی یرهتیلیشینی سورهگنلر.
ننگرهار یشاوچیسی زیارمل، نیچه کون آلدین تورخم بندری آرقهلی پاکستاندن جبری چیقریلگن ایتیشیچه، داروسازلیک و تیش شفاکاری دیر؛ بیراق قیتگندن بیری ایشسیزلیکدن عذاب چېکلماقده. «ېنه مملکت گه قیتدیم و اسلام امیرلیگیدن اولکه گه قیتگن مهاجرلر اینیقسه تورلی ساحهلرده تجربه گه ایگه بولگن کیشیلرنی ایش بیلن تأمینلشنی اېستهی من.»
هرات یشاوچیسی حمزه کریمی، نیچه کون آلدین اسلام قلعه بندری آرقهلی افغانستان گه کېلگن، ایش زمینهلری یوقلیگیدن نالیب و سرپرست حکومتدن، مملکت گه قیتگنلرنی ایش بیلن تأمینلشلرینی سورهیدی. «اسلام امیرلیگیدن، ایش زمینهسینی یرهتیب و قیتگنلر کیشیلرنی ایش بیلن تأمینلشنی سورهی من.»
بیزلرنینگ فیسبوک صحیفهمیزگه باش اورینگ!
آلدینراق، خلقارا آزیق-آوقت دستوری آیلیک ینگی گزارشیده، ایران و پاکستاندن ۲.۷ میلیوندن آرتیق کیشینینگ جبری یا که اۉز اېستهگی بیلن قیتیشی، افغانستان ایش بازاری گه باسیملرنی آشیرگن.
عینحالده، ایش و اجتماعی ایشلر وزیرلیگی مسئوللری، افغانستانده ایشسیزلر سانی گه قرهگنده، قۉشنی مملکتلردن اکثریت مهاجرنینگ قیتیشی، ایش بازاری گه سلبی تأثیر قوییشینی اېتهدیلر.
بو وزیرلیک سۉزلاوچیسی سمیعالله ابراهیمی گه کوره، قۉشنی مملکتلردن افغانستانلیک مهاجرلرنینگ جبری چیقریش جریانی باشلنگنیدن بیری، ۹۰ مینگدن آرتیق قیتگن کیشی، ایش تاپیش اوچون بو وزیرلیک سیستمیده رویخط گه اوتگنلر.
بیزلرنینگ «ایکس» ترماغی ده هم تعقیب قیلینگ!
اونینگ کوپهیتیریشیچه: «۹۰ مینگدن آرتیق قیتگن مهاجر ایش تاپیش اوچون بو وزیرلیک سیستمیده رویخط گه اوتگن و بو سیستم چېگره تورلی حدودلریده شکللنگن و افغانستاندهگی ایشسیزلر سانی گه قرهگنده طبیعی که ایش بازاری گه سلبی تأثیر قویهدی و تورلی ریجهلرنی عملگه آشیریش بیلن بو وزیرلیک مملکتده ایشسیزلر سانینی کمهیتیریش اوچون سعی-حرکت قیلماقده.»
سۉنگی بیر ییل ایچیده، ایران و پاکستاندن افغانستانلیک مهاجرلرنینگ چیقریش جریانی آشیریلگن و اوشبو مدت ایچیده میلیونلرچه کیشی افغانستان گه قیتگن.
بیرلشگن ملتلر تشکیلاتینینگ معلوماتی اساسیده، فقط اوشبو ییل ایچیده ۶۰۰ مینگدن آرتیق مهاجر ایران و پاکستاندن افغانستان گه قیتگن.
