اسلام امیرلیگی ایچکی ایشلر وزیرلیگی، اوغریلیک عیبی بیلن ایکی پاکستانلیکنینگ قولگه آلینگنینی معلوم قیلگن.
اوشبو وزیرلیک، بوگون اکس صحیفهسیده بیر بیانیه آرقهلی یازیشیچه، اوتکزیلگن بیر عملیاتده بغلان مرکزی پلخمری شهریده، پاکستانلیک بیر ایرکک و بیر عیالنی قولگه آلگن.
ایچکی ایشلر وزیرلیگینینگ کوپهیتیریشیچه، اوشبو کیشیلر سونگی اوچ کونده کابل، پروان و بغلان دهگی آلتین ساتیلهدیگن دکانلر و صرافلیکلردن اوغیرلاوچیلیک قیلگنلر. «کابل دن ۶۰۰۰ دالرلیک تقینچاق، پروان ده آلتین ساتیلهدیگن بیر دکاندن ۱۵۰ مینگ افغانیلیک تقینچاق و پلخمریدهگی بیر صرافلیکدن ۳۰۰ دالر اوغیرلنگن ایکن.»
اوشبو وزیرلیککه کوره، اوغیرلنگن باشقه نرسهلرنینگ قولگه کیلیشی و شونینگدیک مذکور ایکی کیشی بیلن احتمالی قولی بولگن کیشیلرنینگ قولگه آلیشی اوچون سعیوحرکتلر دوام قیلماقده.
