صناعت و سودا وزیرلیگی بوگون (۲۱-سرطان، پنجشنبه) کابل شهری ده «صادرات ملی کونیدن» نشانله‌دی.
اوشبو احتفالده صناعت و سودا وزیرلیگی سرپرستی نورالدین عزیزی، افغانستان صادراتی اۉتگن ییللر گه نسبتن ۱۵۰ فایز آشگن و افغانستان نینگ سوداگرلیک توارلری حاضر ۷۰ دن کوپراق مملکت گه صادر بولماقده‌لیگینی بیلدیرگن.
اونینگ ایتیشیچه: «افغانستان صادراتی قویاش سۉنگی اوچ ییلده مقدار و صفتی نقطه‌ی نظریدن ۱۵۰ فایز آشگن و قیمتی ایکّی میلیارد دالر دیر؛ حاضرگی کونده تجارتی ۲۴ سکتورده ۷۰ دن کوپراق مملکت گه صادر قیلماقده‌میز.»
بیزلرنینگ فیسبوک صحیفه‌میزگه باش اورینگ!
صناعت و سودا وزیرلیگی مسئوللری نینگ ایتیشلریچه، افغانستان صادرات توارلری قوروق و تازه میوه، سبزه‌وات، زعفران، قیمت‌بها و یریم قیمت‌بها تاش‌لر، تاش کومیر و باشقه نرسه‌لردن عبارت دیر.
اسلام امیرلیگی باش وزیرلیگی نینگ اقتصادی اۉرین باسری عبدالغنی برادر گه کوره، افغانستان نینگ صادراتینی ستندرد توزه‌تیش اوچون، مملکت نینگ آلتی ولایتیده سوداگرلیک توارلر نینگ صادراتینی پروسس قیلیش آلتی زون قوریلیشی ممکن. او سوداگرلردن توارلرینی خلق‌ارا قاعده‌لر گه تېنگ صادر قیلیش‌لرینی اېسته‌یدی.
اونینگ کوپه‌یتیریشیچه: «کابل، هرات، قندهار، بلخ و قندوز ولایت‌لریده مملکت نینگ صادرات توارلرینی ستندرد توزه‌تیش مقصدیده قوریله‌دی و سوداگرلردن خلق‌ارا قاعده‌لر گه تېنگ صادر قیلیش‌لرینی سۉره‌یمیز.»
بیزلرنینگ «ایکس» ترماغی ده هم تعقیب قیلینگ!
افغانستان سودا و سرمایه یاتقیزیش اتاق اۉرین باسری یونس مومند گه کوره، افغانستان سوداگرلیک توارلری گه بیرقطار مملکت‌لر نینگ باجخانه تعرفه‌لری یوقاری‌لیگی و مملکتدن تشقری بانکی تېزیم قیینچیلیگی، افغانستان سوداگرلری نینگ اساسی قیینچیلیگی سنله‌دی. اونینگ ایتیشیچه: «۲۰ فایز اولکه دن تشقری مشکلی‌میز بار بو قیینچیلیک پول، اسلام امیرلیگی نینگ تن آلیش و باجخانه تعرفه‌لری کوپ‌لیگی دیر.»
مذکور احتفالده اسلام امیرلیگی رسمی‌لری، اولکه یشاوچیلریدن صناعتچیلر و ایچکی تولیدلرنی قۉللب-قوتلش اوچون افغانستان نینگ ایچکی محصولات‌لریدن استعمال قیلیش‌لرینی سۉره‌یدیلر.
ایتیش کېره‌ک، اوشبو احتفالده ایچکی بیر کمپنیه و چین‌لیک بیر کمپنیه اۉرته‌سیده ۲۵ مینگ دالرلیک ۱۰ مینگ پخته سوداسی بیتیمی امضالندی.