تشقی ایشلر وزیرلیگی، امریکانینگ اسلام امیرلیگینی «ناقانونی حبسلرنی قوللب-قوتلاوچی دولت» صفتیده بیلگیلش حقیدهگی قرارینی افسوسلنرلی دیب اتهدی.
تشقی ایشلر وزیرلیگی سوزلاوچیسی عبدالقهار بلخی، بوگون (۱۹ حوت/۱۰ مارچ، سهشنبه) بیر بیانیه ترقهتیب، افغانستانده هیچ بیر مملکت یشاوچیسی سودا واسطهسی صفتیده حبس گه آلینمهگنینی ایتگن.
بیانیهده، بیرقطار کیشیلر قانوننی بوزیش عیبی بیلن حبس گه آلینگن و کوپ حالتلرده حقوقی جریان یکونیدن سونگ عادی شکلده آزاد قیلینگن.
عبدالقهار بلخینینگ کوپهیتیریشیچه، اوتگن ییلده اسلام امیرلیگی امریکانینگ حبس گه آلینگن بعضی یشاوچیلرینینگ حجتلری حقیده مثبت آدیم کوتارگن و قطر واسطهچیلیگی بیلن امریکا بیلن مذاکرهلر بولگن.
اونگه کوره، اسلام امیرلیگی بو مسئلهنی مذاکره و همکارلیک آرقهلی مناسب طرزده حل ایتیشنی ایستهیدی.
امریکا تشقی ایشلر وزیری مارکو روبیو، بوگون اسلام امیرلیگینی «ناقانونی حبسلرنی قوللب-قوتلاوچی دولتلر» رویخطی گه کیریتیلگنینی اعلان قیلدی. او شونینگدیک، افغانستانده حبس گه آلینگن امریکالیکلر قوییب یوباریلیشینی سورهدی.
