اقتصاد وزیرلیگی سرپرستی دین‌محمد حنیف باشچیلیگیده، یاردملرنی جلب و جذب قیلیش کمیته ییغیلیشی، بوگون (۲۴-حمل، یکشنبه) مملکت گه قیتگن قاچقینلر گه قولی‌لیک یره‌تیش مقصدیده حکومت و بیرلشگن ملتلر تشکیلاتی اداره‌لری اورته‌سیده کابل‌ده اوتکزیلدی.
اوشبو ییغیلیش‌ده، اقتصاد وزیرلیگی و یاردملرنی جلب و جذب قیلیش کمیته سرپرستی دین‌محمد حنیف، پاکستان‌دن افغانستان‌لیک قاچقینلر جبری شکلده چیقریلیشینی قاره‌لب ایتیشیچه، بو ایش خلق‌ارا و مهاجرت قاعده‌لری و مملکت‌لر اورته‌سیده‌گی قۉشنی‌چیلیک و قرداشلیکّه ضد دیر.
حنیف جنابلری، خلق‌ارا نهادلر اینیقسه بیرلشگن ملتلر تشکیلاتی‌دن اوشبو قاچقینلرنی قۉللب-قوتلش اوچون یاردملرینی کوپه‌یتیریش‌نی اېسته‌گن.
اونگه کوره: «بیله‌سیزلر که قۉشنی‌میز ېنه بیر مرته پاکستان‌دن افغانستان‌لیک قاچقینلرنینگ جبری و شفقت‌سیز طرزده چیقریش گه اقدام قیلگن، بو ایش قۉشنی‌چیلیک و قرداشلیک و مهاجرت قاعده‌لریگه ضد دیر و بیز جبری شکلده چیقریلگن افغانستان‌لیک قاچقینلرنی قۉللب-قوتلش‌نی اوستون قرار بیریشیمی‌میز درکار.»
بیزلرنینگ فیسبوک صحیفه‌میزگه باش اورینگ!
افغانستان اوچون بیرلشگن ملتلر تشکیلاتی مخصوص وکیلی‌نینگ اورین باسری اندریکا راتوت گه کوره، پاکستان‌دن افغانستان‌لیک قاچقینلرنینگ چیقریلیش جریانی ایکّی مرحله‌ده بولیشی ممکن.
اونینگ ایتیشیچه، بیرینچی مرحله‌ده ۶۰۰ مینگ کیشی و ایکّینچی مرحله‌ده ۶۰۰ مینگ دن ۱.۵ میلیون افغانستان‌لیک قاچقین پاکستان‌دن چیقریله‌دی.
راتوت جنابلری‌نینگ کوپه‌یتیریشیچه، بو نهاد پاکستان‌دن چیقریلگن افغانستان‌لیک قاچقینلر اوچون مالی یاردملرینی آشیریش گه سعی-حرکت قیلماقده.
بیزلرنینگ «ایکس» ترماغی ده هم تعقیب قیلینگ!
اونگه کوره: «بیز بیر ریجه اوستیده ایشله‌یپمیز که پاکستان‌دن چیقریلگن افغانستان‌لیک قاچقینلرنینگ احتیاج‌لرینی قنده‌ی تأمینله‌سک و قاچقینلر ایکّی مرحله‌ده چیقریله‌دی، بیرینچی مرحله‌ده ۶۰۰ مینگ کیشی و ایکّینچی مرحله‌ده اېسه ۱.۵ میلیون کیشی، اولرنی قۉللب-قوتلش گه تیارگرلیگیمی‌میز بار.»
بیرلشگن ملتلر تشکیلاتی‌نینگ معلوماتی اساسیده، بیرینچی اپریل‌دن حاضرگه قدر ۶۰ مینگ قاچقین افغانستان گه قیتگن، اولر ارا قریب ۱۸۰ مینگ قاچقین جبری شکلده چیقریلگن.
اوشبو ییغیلیش‌ده، افغانستان‌ده خلق‌ارا قاچقینلر تشکیلاتی باشلیغی میا پارک، بو تشکیلات برچه یاردملری یانیده، هر کونی افغانستان گه قیتگن ۴۶ مینگ قاچقین گه نقدی یاردم توزیع قیلیشینی بیلدیرگن.
اونینگ کوپه‌یتیریشیچه: «اساسی ریجه قاچقینلرنینگ احتیاج‌لری حل بولسه و اولر گه یخشی امکانیت بیریلسه و بیز قاچقینلر گه تورلی خذمت کورسته‌یاتگن بولسک‌ده، هر کونی ۴۶ مینگ افغانستان‌لیک قاچقین گه یاردم توزیع قیله‌میز.»
پاکستان‌دن افغانستان‌لیک قاچقینلرنینگ جبری شکلده چیقریش جریانی ایکّینچی مرحله‌سی، اوتگن هفته پنج‌شنبه کونی (قویاش ۱۴۰۴-ییل، ۲۱-حمل) باشلندی و همان دوام اېتماقده.
