ملی مدافعه وزیرلیگینینگ اعلام قیلیشیچه، پاکستان برابریده اسلام امیرلیگی کوچلری اویوشتیرگن هجوملرده، بو مملکتنینگ ۵۵ عسکری هلاک بولگن.
مذکور وزیرلیک، بوگون (۸-حوت، جمعه)، بیر بیانیه آرقهلی یازیشیچه، اوشبو قصاص آلیش هجوملری دیورند چیزیغی او تامانیده پاکستان آرقهلی افغانستان حدودی نقض بولیشیگه جواب اولهراق عملگه آشیریلگن.
مدافعه وزیرلیگینینگ کوپهیتیریشیچه، اوشبو هجوملرده یینگیل و آغیر قوراللر قولگه کیلگنی یانیده، پاکستاننینگ ایکی قرارگاهی و ۱۹ ته پوستهسی ایگهلنیب و بو مملکت حربیلریدن قطاری هم توتیب آلینگن.
مذکور وزیرلیککه کوره، بو عملیاتده اسلام امیرلیگی کوچلریدن سکیز تهسی «شهید» و ۱۱ تهسی یرهلنگن.
اسلام امیرلیگی کوچلری، اوتگن کیچه ساعت سکیز ده دیورند چیزیغی او تامانیده پاکستان کوچلری موقعیتلرینی نشانگه آلگن که بو هجوملر حربی ستاد باشلیغی بویروغی بیلن تورت ساعتدن کیین، توختهتیلدی.
