اسلام امیرلیگی ایکینچیلیک، سوغاریش و چاروهچیلیک وزیرلیگی، اوشبو وزیرلیک سرپرستی کابلده قزاقستان ایلچیسی بیلن اوچرهشگنیدن خبر بیرگن.
اوشبو وزیرلیک، بوگون (۱۴-ثور، یکشنبه) وبسایتیده ترقهتگن بیانیهده، بو وزیرلیک سرپرستی عطاءالله عمری کابلده قزاقستان ایلچیسی گازیز اکباسوف بیلن اوچرهشیب، تورلی ساحهلر اینیقسه ایکینچیلیک بولیمیده سرمایه یاتقیزیش مسئلهلری حقیده بحث اېتگنینی معلوم قیلگن.
بیزلرنینگ فیسبوک صحیفهمیزگه باش اورینگ!
عطاءالله عمری، قزاقستان ایلچیسیدن اوشبو مملکتنینگ خصوصی سکتورینی افغانستانده ایکینچیلیک و چاروهچیلیک بولیملریده سرمایه یاتقیزیش اوچون ترغیب قیلیشنی سورهگن.
شونینگدیک او، اسلام امیرلیگی بوتون ساحهلرده تشقی سرمایه یاتقیزووچیلر گه قولیلیک یرهتیش اوچون همکارلیک قیلیشیدن ایشانچ بیلدیرگن.
بو اوچرهشووده تامانلر، افغانستان و قزاقستان اورتهسیدهگی همکارلیکلر کېنگهیتیریلیشی اوستیگه تأکید اېتگنلر.
بیزلرنینگ «ایکس» ترماغی ده هم تعقیب قیلینگ!
اسلام امیرلیگی، افغانستانده ایکّینچی مرته قدرت نی آلگنیدن کېین، قزاقستان دنیا باشقه مملکتلری کبی سرپرست حکومتنی رسمی تن آلگن بولمسهده لېکن بو حکومت بیلن تورلی ساحهلرده یقیندن همکارلیک قیلیب کېلهیاتگن مملکتلردن سنلهدی.
