«صلح و عدالت ملی حرکتی» سیاسی جریانی مملکت نینگ سیاسی، فرهنگی سیمالری و سابق حکومت رسمی‌لریدن قطاری نینگ عضویتی بیلن، موجودیت‌لیگینی اعلام قیلدی.
اوتگن کون (شنبه، ۲۳ میزان) اوشبو حرکت نی افتتاحیه مراسمی که آنلاین روشده اوتکزیلگن ییغینده نطق سوزله‌گن افغانستان سابق دولت تشقی ایشلر وزیری محمدحنیف اتمر، مملکت ده مشروع نظام یوق‌لیگینی «اساسی قیینچیلیک» دیب و «اهالی آوازی» بیلن مشروع نظام شکللنیشی اوستیگه تأکید ایتدی.
بیزلرنینگ فیسبوک صحیفه‌میزگه باش اورینگ!
اجناب اتمر نینگ کوپه‌یتیریشیچه، افغانستان ده مشروع نظام شکللنمه‌گن حالده، افغانستان ده نه‌فقط بحران کوچیه‌دی؛ بلکه منطقه و دنیا بویلب کتته قیینچیلیکلر گه سبب بولیشی ممکن.
اونینگ ایشانچی گه کوره، مملکتده‌گی حاضرگی قیینچیلیکلر حل یولی، اوروش آرقه‌لی ایمس بلکه مشروع نظام شکللنیشی بیلن حل بولیشی ممکن.
محمدحنیف اتمر نینگ ایتیشیچه، دوحه تینچلیک بیتیمی جمهوریت توزومی قوللشی گه سبب بولدی و اوشبو کیلیشوو ماده‌لری «طرف‌لر تامانیدن» عملی بولمه‌گن. اونگه کوره، دوحه بیتیمی نینگ اساسی تورت موردی دن یالغیز خارجی کوچلر نینگ چیقیشی عملی بولگن.
او اسلامی امارت دن دوحه بیتیمی وعده‌لری گه بناً، «همه شمول سیاسی کیلیشوو» عملی بولیشی مقصدیده افغانستان‌لیکلر ارا مذاکره‌لرنی باشلب و دنیا همجمعیت دن اوشبو جریاندن حمایت ایتیشینی طلب قیلگن.
بیزلرنینگ توییترده هم تعقیب قیلینگ!
اسلامی امارت سرپرست حکومتی، مذکور جنبش نینگ خواست‌لری گه هلیگچه جواب قیتیرمه‌گن. بیراق نیچه آی آلدین اسلامی امارت رهبری هبت‌الله آخوندزاده «حکومت ده اوتگن ایشلر خصوصیده گپلنمسلیگینی» ایتگن ایدی.
اسلامی امارت سیاسی سیمالر اولکه گه قیتیب و «عادی» تیریکچیلیکلری گه دوام بیریش اوچون «افغان شخصیت‌لری بیلن تماس کمیسیونی» عنوانیده بیر کمیسیون ایجاد ایتدی؛ بیراق اولر بیلن همه شمول دولت شکللنیشی خصوصیده بحث ایتیلیشینی منع قیلگن.
