اسرائیل حربی منبعلری، غزه چېگرهسی یقینیدهگی حدودلرده «هاموی» رسوملی حربی اوچ موترنینگ توقنشووی عاقبتیده، ۱۲ اسرائیللیک عسکر یرهلنگنینی اعلان قیلگنلر.
اسرائیل یېتکرمهلریگه کوره، اوشبو عسکرلرنینگ ایکی نفری اورته شکلده و باشقه ۱۰ نفری اېسه یېنگیل یرهلنگن.
اسرائیل اردوسی، ۴-عقرب، یکشنبه کونی اوشبو واقعه عملیات پیتیده یوز بیرگن و اونینگ حقیده تېکشیروولر باشلنگنینی بیلدیرگن.
عسکرلردن بیری اسرائیل یېتکرمهلری بیلن صحبتده شوندهی دیگن: «کوچلی چنگ-توزان سببلی کوریش قابلیتیمیزنی یوقاتگن اېدیک و اۉز وقتیده جواب بیره آلمهدیک.»
اسرائیل حربی منبعلری گه کوره، موترلرنینگ تیزلیگی طفیلی نظارت قولدن چیقیش احتمالی حاضرده تېکشیریلماقده. چېگره حدودیده جایلشگن عسکرلردن بیری شوندهی دیېدی: «حاضرگچه فلسطینلیکلر یشهیدیگن حدودلرده حربیلرنینگ حرکتی اوستیدن یېترلی نظارت و باشقروو موجود اېمس. اگر ایچکی نظارت و انتظام جزالر جاری ایتیلسه، بوندهی حادثهلر کمراق صادر بولهدی.»
سپتمبرده هم، اسرائیل عسکرلری گه عاید «هاموی» رسوملی بیر موتر غزه شمالی حدودلرده قولب و ۱۰ عسکر یرهلنگن اېدیلر.
