افغانستان‌لیک سوداگرلردن بیرقطاری سلام‌وطندار بیلن اۉتکزگن صحبت‌لریده، کابلده پاکستان ایلچیخانه‌سی افغانستان و پاکستان گه باریب کېله‌دیگن یوک تاشووچی موتر هیداوچیلری گه آی‌لر اوتیشی بیلن باریب-کېلیش وقتینچه‌لیک حجت توزیع قیلمه‌گنینی اېته‌دیلر.
کابلده تازه میوه سوداگرلریدن غلام رسول حضرت گه کوره، یوک تاشووچی موتر هیداوچیلری گه وقتینچه‌لیک حجت آلیش اوچون کابلده پاکستان ایلچیخانه‌سی گه مراجعت قیلگنیدن آلتی آی اۉتکچ؛ بیراق حاضرگچه آلالمه‌گن.
اونینگ کوپه‌یتیریشیچه: «بیش موتر هیداوچی گه وقتینچه‌لیک حجت آلیش اوچون قریب آلتی آی آلدین مراجعت قیلگندیم و حاضرگچه پاکستان تامانیدن TAD حجتی بیریلمه‌گن، کوپ قیینچیلیک بیلن دوچ میز و نیمه قیلیشنی بیلمه‌یمیز.»
بیزلرنینگ فیسبوک صحیفه‌میزگه باش اورینگ!
افغانستان‌لیک سوداگر بابه گل پاکستان دولتیدن، ایکّی مملکت اۉرته‌سیده باریب-کېله‌دیگن موتر هیداوچیلر قیینچیلیک بیلن دوچ بولمسلیگی اوچون افغانستان نینگ یوک تاشووچی موتر هیداوچیلری گه وقتینچه‌لیک باریب-کېلیش حجت توزیع قیلیشینی اېسته‌یدی.
اونینگ ایتیشیچه: «پاکستان دولتی سوداگرلر و موتر هیداوچیلری گه قولی‌لیک یره‌تیب و چېگره ایکّی تامانیده هیداوچیلر قیینچیلیک بیلن دوچ بولمسلیگی اوچون اولر گه وقتینچه‌لیک حجت بیریشی کېره‌ک.»
باشقه تاماندن، کابلده افغانستان و پاکستان سوداگرلیک قۉشمه اتاق مسئوللری، بو ایکّی مملکت نینگ هیداوچیلری گه وقتینچه‌لیک باریب-کېلیش حجت توزیع قیلیش خصوصیده قولی‌لیک یره‌تیلیشینی سۉره‌یدی.
بیزلرنینگ «ایکس» ترماغی ده هم تعقیب قیلینگ!
کابلده افغانستان و پاکستان سوداگرلیک قۉشمه اتاق باشلیغی نقیب‌الله صافی گه کوره: «پاکستان و افغانستان دولت‌لریدن بو ایکّی مملکت نینگ یوک تاشووچی موتر هیداوچیلری گه قولی‌لیک یره‌تیلیشینی اېسته‌یمیز و اولر گه حجت بیریش جریان سُست دیر.»
بیراق ترانسپورت و هوا یوللری وزیرلیگی مسئوللری نینگ ایتیشلریچه، کابلده پاکستان ایلچیخانه‌سی افغانستان نینگ بیرمینگ ۵۰۰ یوک تاشووچی موتر هیداوچیسی گه پاکستان گه باریب-کېلیش حجت توزیع قیلگن و بو جریان دوام اېتماقده دیر.
ترانسپورت و هوا یوللری وزیرلیگی سۉزلاوچیسی امام‌الدین احمدی گه کوره، بو حجت کابلده پاکستان ایلچیخانه‌سی تامانیدن افغانستان نینگ یوک تاشووچی موتر هیداوچیلری گه و اسلام‌آباد ده افغانستان ایلچیخانه‌سی تامانیدن پاکستان نینگ یوک تاشووچی موتر هیداوچیلری گه توزیع بوله‌دی.
اونینگ کوپه‌یتیریشیچه: «TADحجتی افغانستان نینگ یوک تاشووچی موتر هیداوچیلری گه کابل ده پاکستان ایلچیخانه‌سی و پاکستان نینگ یوک تاشووچی موتر هیداوچیلری گه بو مملکتده افغانستان ایلچیخانه‌سی تامانیدن توزیع بوله‌دی، افغانستان و پاکستان هیداوچیلری آلتی آی پاسپورت و ویزه‌سیز بو ایکّی مملکت گه باریب-کېله آله‌دیلر و حاضرگه قدر بیر مینگ ۵۰۰ هیداوچی گه پاکستان گه باریب-کېلیش وقتینچه‌لیک حجت توزیع بولگن و بو جریان دوام اېتماقده دیر.»
پاکستان نیچه آی آلدین، افغانستان و پاکستان اۉرته‌سیده باریب-کېله‌دیگن یوک تاشووچی موتر هیداوچیلری گه وقتینچه‌لیک حجت توزیع بولیشینی اېتگن اېدیلر.
اولر گه کوره، افغانستان و پاکستان نینگ یوک تاشووچی موتر هیداوچیلری نینگ بو حجتی بولیشی شرط دیر.
