ایکینچیلیک، سووغاریش و چارواچیلیک وزیری مولوی عطاءالله عمری باشچیلیگیده افغانستان اسلام امیرلیگی هیئتی، بلاروس صناعت وزیرلیگی معینی باکیی دنیس ولادیمیروویچ بیلن اوچرهشدی.
ایکینچیلیک وزیرلیگی، بوگون (۲۸ اسد/۱۹ آگست، چهارشنبه) بیر بیانیه ترقهتیب، اوشبو اوچرهشووده افغانستانده صناعت کارخانهلرنی تشکیل ایتیش و رواجلنتیریش، زراعت همده صناعت ماشینلرینی ایشلب چیقریش و ییغیش، قداقلش (بستهبندی) کارخانهلرینی تشکیل ایتیش، شونینگدیک ایکی دولت اورتهسیدهگی سودانی رواجلنتیریش و کینگهیتیریش مسئلهلری حقیده بحث ایتگنلرینی بیلدیرگن.
بیانیه گه کوره، تامانلر شونینگدیک، قوشمه صناعت فابریکهلرینی تشکیل ایتیش، بلاروس تجارلرینی افغانستانده سرمایه کیریتیش گه ترغیب ایتیش، بو ایکی مملکت اورتهسیده سودا ساحهسیده بولگن معمالر برطرف ایتیلیش مسئلهلری بارهسیده هم بحث ایتگنلر.
ایسلهتیب اوتهمیز، ایکینچیلیک، سووغاریش و چارواچیلیک وزیری مولوی عطاءالله عمری باشچیلیگیده اسلام امیرلیگی هیئتی، افغانستان و بلاروس اورتهسیده اقتصادی و سودا همکارلیکلر قوشمه کمیسیونینینگ ایکینچی ییغیلیشیده اشتراک ایتیش مقصدیده دوشنبه کونی بلاروس گه بارگن.
