ملی مدافعه وزیرلیگی سرپرستی محمدیعقوب مجاهد، روسیه یوقاری مرتبه‌لی هیئتی بیلن اوچره‌شگن.
اسلام امیرلیگی ملی مدافعه وزیرلیگی، ۵-قوس، دوشنبه کونی ایکس صحیفه‌سیده بیر بیانیه ترقه‌تیب، بو وزیرلیک سرپرستی محمدیعقوب مجاهد، روسیه خوفسیزلیک کینگشی کاتبی سرگی شویگو باشچیلیگیده هیئتی بیلن اوچره‌شگن.
بیزلرنینگ فیسبوک صحیفه‌میزگه باش اورینگ!
بو اوچره‌شووده، روسیه دولت رهبری‌نینگ افغانستان اوچون مخصوص وکیلی ضمیر کابلوف و افغانستان‌ده روسیه‌نینگ تام‌الاختیار و فوق‌العاده ایلچیسی دمیتری ژیرنوف و باشقه‌لر حضوری بولگنی اېتیلگن.
اوشبو اوچره‌شووده ایکّی تامان، کابل و مسکو مناسبت‌لری مستحکم‌لنیشی، اقتصادیات، سودا، خوفسیزلیک و باشقه موضوع‌لرنی بحث گه آلگنلر.
بیزلرنینگ «ایکس» ترماغی ده هم تعقیب قیلینگ!
روسیه‌نینگ سابق مدافعه وزیری و خوفسیزلیک کینگشی حاضرگی کاتبی سرگی شویگو باشچیلیگیده هیئتی، اۉتگن کون کابل گه تشریف بویردی. بوندن آلدین، روسیه جمهور باشلیغی‌نینگ افغانستان اوچون مخصوص وکیلی ضمیر کابلوف، اسلام امیرلیگی تشقی ایشلر وزیرلیگی سرپرستی امیرخان متقی بیلن اوچره‌شووده، یقینده روسیه هیئتی کابل گه کېلیشینی اېتگن اېدی.