بلخ مرکزی مزارشریف شهری‌ده سرک‌لرده آوقت ساته‌دیگنلردن بیرقطاری سلام‌وطندار گه ایتیشلریچه، سودالری یخشی بولیب و هر کونی مینگلب افغانی درآمد قیله‌دیلر.
رحمت‌الله، هر کونی مزارشریف شهری‌نینگ کوچه‌لریدن بیریده، تورت بورچک‌لی اراوه‌چه‌سی آرتیده توریب و اهالی اوچون بولانی پیشیره‌دی. ایکّی قولی بیلن خمیرنی یاغاچ اوستیده یسب سۉنگی آی‌لرده سوداسی ایکّی برابر آشگنینی اېته‌دی؛ اونینگ فکریچه، بو یشاوچیلر آره‌سیده کمغبل‌لیک‌نینگ آرتگنیدن دلالت بیره‌دی.
اونگه کوره: «مین بو ییرده اهالی اوچون بولانی پیشیره من و کمبغل کیشیلر کېله‌دی و آز پول بیلن اۉزلرینی تویغازه‌دی. حاضرگی کونلرده سودا یخشی بولگن چونکه یشاوچیلرنینگ اقتصادی احوالی اونچه‌لیک یخشی اېمس. سابق هر کونی بیر مینگ‌دن ایکّی مینگ افغانی سودا قیلردیک، بیراق حاضر تورت مینگ‌دن بیش مینگ افغانی سودا قیله‌میز.»
عبدالرووف، مزارشریف شهری‌ده کوچه طعاملری ساتووچیلریدن باشقه بیری-حاضرگی کونلرده تاووق شوروا (یخنی) و چبلی کباب ساتووی آرقه‌لی کونینی ممنونیت بیلن کېچیرماقده. اونینگ یوزیده کورینیب تورگن ممنون‌لیک بیلن شونده‌ی دیېدی: «بازار یخشی بولگن چونکه اهالی‌نینگ رستورانت گه باریش توانی یوق. اوتمیش‌ده بیر مینگ‌دن آرتیق سودامیز یوق اېدی بیراق حاضر هر کونی اوچ مینگ تورت مینگ افغانی سودامیز بار.»
بیزلرنینگ فیسبوک صحیفه‌میزگه باش اورینگ!
بولانی، قابلی‌پلو، برنج، کباب، لوبیا و آش، مزارشریف شهری کوچه‌لریده اراوه‌لر اوستیده ساتیله‌دیگن طعاملردن دیر.
مزارشریف اهالیسی اینیقسه کوپراق تشقریده ایشله‌یدیگنلر، درآمدلری آزلیگی طفیلی رستورانت‌ده باریب آوقت‌لنیش اورنیده ارزان نرخ‌ده ساتیله‌دیگن اراوه‌چیلر اوستیده پیشیریلگن نرسه‌لر بیلن آوقت‌لنیش‌لرینی اېته‌دیلر.
بلخ مرکزی مزارشریف شهری یشاوچیلریدن احمدصفانینگ سلام‌وطندار گه ایتیشیچه: «ایش یوق و بیز ارزانلیگی اوچون شو طعاملردن فایده‌لنه‌میز. بیر رستورانت‌ده باریب ۲۰۰ یا-ده ۳۰۰ افغانی گه آوقت‌لنیش توانی‌میز یوق. شو اراوه‌لر بیز اوچون مناسب دیر. فقط اېسته‌یمیز که طعاملر تازه بولسه یاغ اېسکیرگن بولمسه که باشقه‌لر کسل بولمه‌سین.»
بیزلرنینگ «ایکس» ترماغی ده هم تعقیب قیلینگ!
شونینگدیک، مزارشریف شهری یشاوچیلریدن باشقه بیری آصف گه کوره: «شو اراوه‌لر که اوستیده طعام پیشیریله‌دی بیز کبی کمغبل و ایش‌سیزلر اوچون یخشی دیر. چونکه اقتصادی احوالیمیز یخشی اېمس و بوندن قیمت طعام‌دن فایده‌لنه آلمه‌یمیز.»
شفاکارلرنینگ ایشانچی گه کوره، کوچه طعاملری هوا افلاس‌لنیشی گه دوچ کېلیشی و یاغ‌نینگ قیته-قیته ایشله‌تیلیشی طفیلی ساغلیققه ضررلی بولیشی ممکن، بیراق فقرالرنینگ کمبغل‌لیگی بونگه اونچه‌لیک اعتبار بیرمسلیکّه سبب بولگن.
حاضرگی کون‌ده، مزارشریف شهری‌نینگ رستورانت‌لریده یخشی طعام نرخی ۲۰۰ دن ۳۰۰ افغانی دیر؛ بیراق هر کیم کوچه‌لرده‌گی اراوه‌چیلر اوستیده پیشریلگن آوقت‌لردن ۲۰ افغانی عوضی گه، اۉزینی بیر آز تویغازیشی ممکن.
