اسلام امیرلیگی سوزلاوچیسی ذبیح‌الله مجاهد، سلام‌وطندار بیلن اوتکزگن صحبتیده، اسلام امیرلیگی افغانستان ایچیده تاپی پروژه‌سی ایشینی باشلش گه تیار ایکنینی معلوم قیلگن.
جناب مجاهد نینگ کوپه‌یتیریشیچه، تاپی پروژه‌سی یولیده‌گی ییرلر استملاکی و امنیتی تأمینله‌نیب و شونینگدیک، مذکور پروژه ایشی باشله‌نیشی اوچون بولگن اساسی نیازمندلیکلر حل ایتیلگن.
بیزلرنینگ فیسبوک صحیفه‌میزگه باش اورینگ!
اسلام امیرلیگی سوزلاوچیسی گه کوره، نیچه مرته تورکمنستان، پاکستان وهندوستان رسمی‌لری، تاپی پروژه‌سی ایشی باشله‌نیشینی ایتگن بولسه‌لرده؛ لیکن سوزلری گه توختمه‌گن.
شونینگدیک، ذبیح‌الله مجاهد نینگ ایتیشیچه، اولکه یشاوچیلری مذکور پروژه گه شامل اولکه‌لر تامانیدن تاپی پروژه‌سی ایشی باشله‌نیشینی کوتماقده‌لر.
تاپی گاز لوله‌سی اوزون‌لیگی ۱۸۱۴ کیلومتر دیر و اوشبو لوله، تورکمنستان گازینی افغانستان آرقه‌لی پاکستان و هندوستان گه انتقال بیره‌دی.
بیزلرنینگ توییترده هم تعقیب قیلینگ!
تاپی گاز لوله‌سی، هرات، فراه، نیمروز، هلمند و قندهار ولایت‌لریدن اوتیب و ۱۸۱۴ کیلومتر دن ۸۱۶ کیلومتری، افغانستان ایچیدن اوته‌دی.
افغانستان ده تاپی گاز لوله‌سی هرات-قندهار یولی چیزیغیده تارتیلیب و کیین ایسه پاکستان نینگ کویته و ملتان شهرلریدن اوتیب و نهایت هندوستان نینگ فاضیلکا شهری گه ییتیب باره‌دی.