یونان رسمیلرینینگ ایتیشلریچه، اوچ کوندن بیری کریت جزیرهسی و آتننینگ بیر قطار حدودلریده کینگ کولملی یانغینلر دوام ایتماقده و کوچلی شمال و هوا ایسیقلیگی سبب یانغینلرنی اوچیریش اوچون سعیوحرکتلر قیینچیلیک بیلن روپهره دیر.
رویترز آژانسینینگ بوگون ایرتهلب (۱۴-سرطان، شنبه)، گزارش بیریشیچه، کرت ده مینگلرچه یشاوچی و سیاحتچی اویلری و یشش محللرینی ترک قیلیشگه مجبور بولگنلر. یالغیز آتن ده، ۸۰۰دن آرتیق کیشی «کورویی» منطقهسی و کمیده ۳۰۰ کیشی «پیکرمی» حدودلریدن اویلرینی ترک قیلگنلر.
بیزلرنینگ «ایکس» ترماغی ده هم تعقیب قیلینگ!
محلی رسمیلرگه کوره، کرت جزیرهسیده قریب اوچ مینگ ۵۰۰ سیاحتچی یانغین طفیلی، وقتینچهلیک شکلده یشش محللرینی بوشهتگنلر.
یانغیننی اوچیریش عملیاتیده، قریب ۱۳۰ اوت اوچیرووچی، ۴۸ اطفائیه موتری و ۶ تیکاوچرنینگ اشتراکی بار.
بیزلرنینگ فیسبوک صحیفهمیزگه باش اورینگ!
یانغینلر، ۱۱-سرطان، چهارشنبه کونی «ایراپترا» شهری یقینیده باشلنیب و حاضرگچه، زیتون باغلری، اورمانلر و اویلردن بویوک بیر قسمینی اورتهدن کیتگزگن.
