افغانستان ملی اسلامی جنبش حزبی نینگ رهبر و اساسچیسی الحاج مارشال عبدالرشید دوستم گه یقیین کیشی‌لردن بیری داکتر عنایت‌الله بابر فرهمند نینگ سلام‌وطندارگه ایتیشیچه، مارشال عبدالرشید دوستم سیاسی رهبرلرنی بیرلشتیریش همده سونگی پیت‌لرده کوپه‌یگن ناتینچلیک‌لرنی آلدینی آلیش اوچون جمهوررئیس غنی بیلن اوچره‌ش مقصد ده کابل کیله‌دی.
ایتیلیشیچه، مارشال عبدالرشید دوستم، جمهوررئیس غنی نینگ رسمی دعوتی بیلن کابل کیلیب و طالبان گروهی گه قرشی کوره‌ش مسوولیتی نی اوز بوینیگه آله‌دی، لیکن جناب فرهمند بو توغریده معلومات بیریشدن واز کیچگن.
بو توغریده ارگ نینگ فکرینی آلیش اوچون سعی و حرکت قیلدیک، بیراق ارگ سوزلاوچیسی بو توغریده هیچ بیر نرسه دیمه‌گن.
عین‌حالده، قطار سیاسی ایش بیلرمانلر نینگ ایشانچی گه کوره، جمهوررئیس غنی مارشال عبدالرشید دوستم و باشقه بیر قطار سیاسی رهبرلرنی “جنگ سالار” آتی گه عیب‌لب اوزیدن اوزاق‌لشتیرگن و اوشبو موضوع جمهوررئیس غنی گه ضرر ییتیشتیرگن. سیاسی ایش بیلرمانلر نینگ ایتیش‌لریچه، بونده‌ی بیرحالده جمهوررئیس غنی گه ایشانیش جوده قیین دیر.
سیاسی و حربی ایش بیلرمان‌لردن بیری اسدالله ندیم نینگ سلام وطندرگه ایتیشیچه، سونگی پیت‌لرده طالبان گروهی قتل و اولدیریش رقمی نی کوپه‌یتیرگن وضعیت ده، سیاسی رهبرلرنینگ بیرلشیشی و جمهور رئیس غنی تامانیدن قدرت تقسیم بولیشی یخشی بیر اقدام دیر.
مارشال عبدالرشید دوستم میلادی ۲۰۱۴- ییل جمهورلیک ریاست سیلاویده جمهور رئیس غنی نینگ بیرینچی اورین‌باسری صفتیده تنلندی، لیکن تیزلیککه جناب دوستم و غنی نینگ آره‌سیده جنجللر چیقیب و علاقه‌لری یمان بولدی.