افغانستان مرکزی بانکی بوگون (سه‌شنبه، ۷-قوس) ایکس اجتماعی ترماغی ده، اوشبو بانک هیئتی بحرین گه سفر قیلگنیدن خبر بیرگن.
مذکور بانک نینگ کوپه‌یتیریشیچه، اوشبو هیئت افغانستان مرکزی بانک باشلیغی هدایت‌الله بدری ییتکچیلیگی ده بحرین گه سفر قیلگن.
بیزلرنینگ فیسبوک صحیفه‌میزگه باش اورینگ!
بو هیئت، «حسابات و اسلامی مالی مؤسسه‌لر تفتیش اداره‌سی» نینگ ییل‌لیک کنفرانسی و اسلامی ترقیات بانکی نینگ ییغیلیشی ده اشتراک ایتیش مقصدیده بحرین گه سفر قیلگن.
افغانستان مرکزی بانکی گه کوره، اوشبو کنفرانس یولگه قوییلیشیدن مقصد، «اعضا مملکت‌لر تامانیدن اسلامی بانک‌دارلیک ساحه‌سیده‌گی ینگی‌لیک‌لر شریک قیلینیشی، اسلامی بانک‌دارلیک ترقیاتی، مرکزی بانک‌لر آره‌سیده‌گی مناسبت‌لرنی مستحکم‌لش و بوتوغریده اسلامی اولکه‌لر نینگ تجربه‌لریدن فایده‌لنیش» دیر.
بو کنفرانس ده، مرکزی بانک‌لر نینگ نماینده‌لری، اسلامی مالی مؤسسه‌لر نینگ نماینده‌لری و اسلامی بانک‌لر نینگ «بورد» اعضالری اشتراک ایتیشی ایتیلگن.
بیزلرنینگ «ایکس» ترماغی ده هم تعقیب قیلینگ!
معلومات‌لر گه بناً، ۱۰۰ دن آرتیق اعضاسی بولگن «حسابات و اسلامی مالی مؤسسه‌لر تفتیش اداره‌سی» یا که «ای‌ای‌او‌آی‌اف‌آی»، اسلامی مالی مؤسسه‌لر اورته‌سیده شرطنامه توزیش مقصدیده، میلادی ۱۹۹۱-ییل ده، بحرین ده تشکیل ایتیلدی.
اسلام امیرلیگی ییریک اعضالریدن بیرقطاری، بیرلشگن ملت‌لر تشکیلاتی نینگ قاره رویخطی گه کیریتیلیب و سفرلری گه چیکلاو یره‌تیلگن بیرحالده، افغانستان مرکزی بانک هیئتی بحرین گه سفر قیلگن.