افغانستان مرکزی بانکی مسئوللری، بوگون (پنج‌شنبه، ۱۵-سنبله)، حکومت نینگ اطلاعات و ییتکرمه‌لر مرکزی‌ده امارتی اداره‌لر نینگ بیر ییل‌لیک یوتوقلرینی بیان قیلیش برنامه‌سیده ایتیشلریچه، جاری قویاش ییل‌ده مملکت‌ده تورم نرخی یخشی شکلده سقلنیب و ۲.۵- فایز کمه‌یگن.
افغانستان مرکزی بانکی نینگ پولی سیاست باشلیغی احمدجواد سداد نینگ ایتیشیچه، اوتگن قویاش ییل‌ده تورم نرخی «۹.۱- فایز» بولگنی بیرحالده، جاری قویاش ییل‌ده بو نرخ «۶.۶- فایز» دیر.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «جاری ییل‌ده تورم نرخی ۶.۶- فایز دیر که اوتگن ییل‌ده ۹.۱- فایز ایدی. محاسبه اساسیده، اوتگن بیر ییل‌ده اورته‌چه تورم نرخی ۸.۴- فایز بولگن که بیر ییل آلدین ایسه ۴.۸ فایز ایدی. بو رقم‌لر تورم سطحی نینگ یخشی شکلده سقلنگنی نی کورسته‌دی.»
مرکزی بانکی پولی سیاست باشلیغی نینگ تاکید قیلیشیچه، اوتگن ییل‌ده دالر برابریده افغانی پول ارزشی ۱۷.۲۵ فایز کوپه‌یگن. شونینگدیک اونینگ ایتیشیچه، اوتگن ییل‌ده افغانی پول برابریده دالر نینگ اورته‌چه نرخی قریب ۷۲ افغانی ایدی که بو نرخ اوندن آلدینگی ییل‌ده قریب ۸۷ افغانی گه ییتیشگن ایدی.
شونده‌ی بیرحالده، افغانستان مرکزی بانکی‌ده بانکی نظارت ریاستی اورین‌باسری احسان‌الله منصور نینگ ایتیشیچه، جاری قویاش ییل‌ده یشاوچیلر نینگ بانکی تاپشیریشلری خصوصیده چیکلاولر کمه‌یگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «افغانی حساب‌لرده مشتری‌لر نینگ تاپشیریشلری خصوصیده‌گی چیکلاولر، بیر هفته‌ده ۷۰ مینگ افغان‌دن ۱۵۰ مینگ افغانی و آی‌ده ۲۵۰ مینگ افغانی‌دن ۵۰۰ مینگ افغانی گه کوپه‌یگن. شونینگدیک دالر حساب‌لرده ایسه بو چیکلاولر بیر هفته‌ده ۱۰۰۰ دالر‌دن ۲۰۰۰ مینگ دالر و آی‌ده ۳۰۰۰ دالر‌دن ۶۰۰۰ دالر گه کوپه‌یگن.»
بولر گه علاوه، ۷ میلیارد‌دن آرتیق افغانی پول نینگ آلاو بیریلگنی، صرافی‌لیکلر گه ۲ مینگ جواز ترقه‌تیلگنی و بنگی‌وار ماده‌لر قاچاقی، مالیاتی جرم‌لر و فریب‌گرلیکلر شامل ۱۱۴ دوسیه نینگ تحلیلی، اوتگن ییل‌ده مرکزی بانک نینگ یوتوقلریدن باشقه بیری ایکن دیر.