ایکینچیلیک، سووغاریش و چاروهچیلیک وزیرلیگینینگ ایتیشیچه، بو ییل ننگرهار ده مالته باغلریدن قریب ۲ مینگ ۲۱۴ متریک تُن حاصل قولگه کیلیشی ممکن که اوتگن ییل گه قرهگنده، اوشبو ولایتده مالته ییتیشتیریش ۵ فایز آشگنینی کورستهدی.
مذکور وزیرلیک، بوگون (۱۰-قوس، دوشنبه)، اوز وبسایتیده یازیشیچه، حاضر بو ولایتنینگ ۱۳ تومنیده، توپلم شکلده ۲۱۵.۶ هکتار ییرگه مالته باغلری قوریلیب و بو ییل یخشیراق حاصل قولگه کیلیشی کوتیلهدی.
ایکینچیلیک، سووغاریش و چاروهچیلیک وزیرلیگینینگ کوپهیتیریشیچه، اوتگن ییل مالته ایکیلگن ۲۰۴.۶ هکتار ییردن ۲ مینگ ۱۰۸ متریک تُندن آرتیق حاصل آلینگن و بو ییل ایسه ایکیش ساحهسی کوپهیگنی همده باغلرنینگ درست شکلده باشقریلیشی سبب، حاصلات میزانی کوپهیگن.
ایتیلیشچه، یخشیراق محصول تولید بولیشی مقصد، ننگرهار ولایتینینگ مذکور تومنلریده یوزلب باغدارگه ایکینچیلیک اوسکونهلری یاردم بیریلگنی یانیده، اولرگه باغلرنینگ سقلهنیشی، کوددن فایدهلنیش، سووغاریش و آفتلر آلدی آلینیشی بولیمی ده تعلیم بیریلگن.
شوندهی بیرحالده، ننگرهار ایکینچیلیک، سووغاریش و چاروهچیلیک باشلیغی محمدولی محسننینگ ایتیشیچه، ایکینچیلیک سکتوری رواجلنیشی و اهالینینگ اقتصادی وضعیتی یخشیلنیشی اوچون کیلهسی ییل باغدارلیککه قیزیققن کیشیلردن قطاریگه، میوه باغلری قوریلیشی ممکن.
ننگرهار، مناسب هوا، حاصل بیرووچی ییرلر و ییترلی سوو منبعلریگه ایگه بولگنی سبب، مالته، لیمو و باشقه بیر قطار میوهلر ییتیشتیریلیشی اوچون یوقاری امکانیتگه ایگه دیر.
