لوگر امنیه قوماندانلیگی مسئوللری گه کوره، اوتگن بیر هفته ده کابل_لوگر قتناو یولی ده ترافیکی واقعه‌لر ایکی برابر کوپه‌یگن.
لوگر امنیه قوماندانلیگی سوزلاوچیسی احمدالله انس نینگ سلام‌وطندار گه ایتیشیچه، اوتگن بیر هفته ده کابل_لوگر قتناو یولی ده یوز بیرگن ترافیکی واقعه‌لر ده، بیش کیشی هلاک بولیب و باشقه ۱۲ کیشی یره‌لنگن.
بیزلرنینگ فیسبوک صحیفه‌میزگه باش اورینگ!
لوگر امنیه قوماندانلیگی سوزلاوچیسی گه کوره، مذکور واقعه‌لر کیچیک و کتته موترلر نینگ توقنشووی و چپه بولیشی عاقبتیده یوز بیرگن.
او نینگ کوپه‌یتیریشیچه، کابل_قندهار قتناو یولیده‌گی موترلر نینگ کابل_لوگر یولی بیلن قتنه‌شووی طفیلی ترافیکی حادثه‌لر کوپه‌یشی گه سبب بولگن؛ چونکه اوشبو یول میدان‌وردک ولایتی حدودلریده قیته قوریلماقده دیر.
بیزلرنینگ توییترده هم تعقیب قیلینگ!
عین‌حالده، لوگر یشاوچیلری و هیداوچیلریدن بیرقطاری نینگ ایتیشلریچه، سونگی کون‌لرده کابل_لوگر قتناو یولیده ترافیکی حادثه‌لر ایکی برابر کوپه‌یگن و سببی هم، کابل_قندهار قتناو یولی موترلری نینگ کابل_لوگر قتناوی بیلن قتنه‌شیشی دیر.
اولر حکومت دن، کابل_لوگر قتناو یولی یوک تاشووچی موترلرینی کنترول قیلیشنی سوره‌یدیلر؛ عکس‌حالده اوشبو یول بوزیلیشی ممکن.