لوگر ده ایشچی باله‌لردن قطاری‌نینگ سلام‌وطندار گه ایتیشلریچه، عایله نیازلری‌نی تامین‌لش اوچون اوشبو ولایت مرکزی و تومن‌لریده آغیر ایش‌لرنی قیلیش‌گه مجبور بولگنلر. مذکور باله‌لردن قطاری ایشلش‌گه مجبور بولگنلری اوچون مکتب‌نی ترک قیلگنلر.
لوگر مرکزی پل‌علم شهرینینگ سبزه‌وات ساتیله‌دیگن بازاری‌ده بیر لقمه نان پولی‌نی قولگه کیلتیریش مقصد یوک تاشووچی‌لیک قیله‌دیگن ۱۲ یاشر شفیع‌الله گه کوره، کراچی‌سی بیلن یشاوچیلر سوداسینی بیر ییردن باشقه بیر ییرگه آلیب باریش آرقه‌لی نیچه افغانی قولگه کیلتیریب و بو رقم، بیش کیشی‌لیک عایله نیازلری‌نی تامین‌له‌یدی.
بیزلرنینگ «ایکس» ترماغی ده هم تعقیب قیلینگ!
شفیع‌الله‌نینگ ایتیشیچه: «لوگر مرکزی پل‌علم شهرینینگ اشان‌پور منطقه یشاوچی‌سی‌من. کراچی آلگنیم‌دن اوچ آی بوله‌دی، بعضا ۲۰۰ افغانی و بعضا ایسه ۳۰۰ افغانی درآمد قیله‌من. بیزلرگه تعلیم یانیده ایشلش زمینهسی یره‌تیلیشی‌نی ایسته‌یمن.»
شفیع‌الله کبی باشقه بیر قطار باله هم مکتب باریب و درس اوقیش بیلن کیله‌جگی‌نی توزه‌تیش اورنیده، پل‌علم شهری‌ده جایلشگن سبزه‌وات ساتیله‌دیگن بازاری‌ده ایشلش بیلن شغللنگن.
۹ یاشر صدیق‌الله، اوشبو باله‌لردن بیری دیر. او سرپرست‌سیز بولگنی و قشاق‌لیک سبب، مکتب‌نی ترک قیلگن. اونینگ ایتیشیچه، کراچی‌سی آرقه‌لی سودا آله‌دیگن کیشی‌لر‌نینگ سوداسینی تاشیش بیلن کونده ۷۰-۱۰۰ افغانی قولگه کیلتیره‌دی. او سرپرست حکومت و یاردم بیرووچی نهاد‌لردن لوگر ده ایشچی باله‌لرگه تعلیمی فرصت‌لر یره‌تیلیشی یانیده اولرگه ایش زمینهسی یره‌تیلیشی‌نی ایستهگن.
صدیق‌الله‌نینگ کوپه‌یتیریشیچه: «کراچیم بار؛ مجبور قالگنیم اوچون بو ایش گه یوز کیلتیرگن‌من. اوی‌ده باشقه ایشله‌یدیگن کیشی یوق. ایکی ییل‌دن بیری بو ایش بیلن شغللنگن‌مین. ایرتنگ‌دن حاضرگچه ۷۰ افغانی درآمد قولگه کیلتیرگن‌من. بیزلرگه تحصیل و ایش زمینهسی یره‌تیلیشی‌نی ایسته‌یمیز.»
لوگر ده اجتماعی فعال‌لردن قطب‌الدین‌نینگ ایتیشیچه، افغانستان ده‌گی سونگی ایش‌سیزلیک و قشاق‌لیک بحرانی سبب، یوزلب عایله یاشی کیچیک باله‌لری‌نینگ ایشچیلیککه یوباریش‌گه مجبور بولیشگن. او سرپرست حکومت‌دن نیازمند عایله‌لرگه یاردم بیریلیشی و باله‌لر‌نینگ آغیر ایشلشی آلدی آلینیشی‌نی ایستهگن.
مذکور اجتماعی فعال‌نینگ کوپه‌یتیریشیچه: «لوگر ولایتی‌نینگ سبزه‌وات ساتیله‌دیگن مندوی‌سیده کوره‌سیزلر که باله‌لر ایش بیلن شغللنگن. اولر ایرتنگ‌نینگ بو ساعتی‌ده اویقووده بولیشی کیره‌ک. بو قیین‌چیلیک‌نی یالغیز حکومت حل قیله آله‌دی. آغیر یوکی بولگن بیر کراچی‌نینگ بیر باله آرقه‌لی تاشیلیشی‌نی کورگنیزده بیله‌سیز که اولردن کوپ قطاری ییتیم، قشاق و سرپرست‌سیز دیر.»
شونینگدیک لوگر ایش و اجتماعی ایشلر ریاستی باشلیغی جان‌محمد طلحه، اوشبو ولایت مرکزی و اوزاق تومن‌لریده کمبغل عایله‌لر باله‌لری‌نینگ ایشچی‌لیک قیلیشی‌نی قبول قیلیب و ایتیشیچه، باله‌لری‌نینگ مکتب اورنیده ایشلش گه یوباره‌دیگن عایله‌لر اقتصادی قیین‌چیلیگی حلی اوچون، یاردم بیرووچی نهاد‌لر همکارلیگی‌ده سعی‌وحرکت بوله‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «لوگر ده حقیقتا آغیر ایشلر بیلن شغللنگن باله‌لر بار. سببی بو دیر که بو ولایت‌ده عایله‌لردن قطاری قشاق‌لیک‌‌دن اذیت چیکه‌دی. اوشبو ولایت‌ده‌گی قشاق، ییتیم و سرپرست‌سیز باله‌لرگه تعلیم یانیده مالی حمایت هم نیاز دیر و بو توغریده نهاد‌لر و تورلی‌خیل موسسه‌لر بیلن همکارلیک قیله‌میز.»
بیر تاماندن کمبغل‌لیک و قشاق‌لیک باشقه بیر تاماندن ایسه، ساغلام سرپرست گه ایگه بولمسلیک و عایله‌لردن کوپ قطاری‌ده امکانیت‌سیزلیک، افغانستان بویلب مینگلرچه باله‌نینگ تعلیم اورنیده عایله نیازلری‌نی تامین‌لش اوچون ایشلیشی‌گه سبب بولگن.
