رنگ-برنگ گللر بیلن بیزهتیلگن یشیل بیر حولینینگ بورچهگیده کیچکینه بیر خانه جایلشگن، دیوارلریگه چیزیلگن رسملر آسیلگن، رسم چیزیش اسبابلری ایسه چیرایلی ترتیبده بیر چیتده جایلشگن. بو جای، بیر قیز حیاتینینگ ساعتلب وقتینی صناعت بیلن اوتکزهدیگن مکان دیر.
کابل غربی قسمی یشاوچیسی زهرا عظیمی، رسم چیزیش بولیمیده بیش ییللیک تجربه گه ایگه، ایلگری اوزینینگ رسم گالریسی بار اېدی و بو صناعتنی باشقه قیزلر گه هم اورگهتردی، اېندی ناچارلیک طفیلی ایش جایینی کیچیک اوینینگ بیر اتاقی گه کوچیرگن؛ اونگه کوره، ۱۶ آیدن بیری و رسم گالریسی یاپیلگچ، اوییده ایشیگه دوام بیریب و تابلولرینی آنلاین شکلده ساتوو گه قویماقده.
اونینگ ایتیشیچه: «گالریم بار ایدی و اونده رسم چیزردیم و ۲۲ قیز و ییگیت گه اورگهتیر ایدیم؛ بیراق قیزلر گه جواز بیرمسلیگی اوچون گالریمنی یاپدیلر و ایشیمگه دوام بیره آلمهدیم شونی اوچون اویدن ایشنی باشلهگن من.»
بیزلرنینگ فیسبوک صحیفهمیزگه باش اورینگ!
زهرا کوپینچه کیچهلری اوچ-تورت ساعت قاغذ و قلم بیلن رسم چیزیش گه مصروف بولهدی، اونگه کوره، بو صناعت گه بولگن محبت و چېکلاولر گه بویسینمسلیگی اونی فعالیتینی دوام ایتّیریش گه اوندهگن. او هر آی کمیده اوچته رسم چیزهدی و اولرنی ساتیش آرقهلی تیریکچیلیک احتیاجلرینی تأمینلهیدی.
اونگه کوره: «هر کونی تیل اورگهنیش کبی ایشلر گه مشغول من شونی اوچون کیچهلری ایشلهی من؛ کیچه ساعت ۹ دن باشلهی من؛ چونکه فضا تینجیدی و رسم چیزیش اوچون فضا مناسب دیر؛ قیینچیلیگی بار؛ بیراق بو ایشگه قیزیقیشیم اوچون بونگه دوام بیردیم.»
زهرا سۉنگی ایکی ییل ایچیده اۉز اثرلرینی اجتماعی ترماقلرده ساتووگه قوییش آرقهلی دایمی و اوزیگه خاص مجازلرینی تاپیش گه موفق بولگن.
زهرا، اثرلرینی اجتماعی ترماقلرده ساتیش بیلن بیرگه، کیچیک و کتته کورگزمهلرده اشتراک ایتیش آرقهلی هم اۉز صناعتینی ترغیب قیلیش گه و مجازلر دایرهسینی کېنگهیتیریش گه حرکت قیلماقده.
بیزلرنینگ «ایکس» ترماغی ده هم تعقیب قیلینگ!
بو رسام قیز گه کوره، ایشی اوی شرایطیده رواجلنهیاتگن بولسهده، او رساملیک گالری اجازهسینی آلیشنی و باشقه قیزلر اوچون هم بو صناعتنی اورگنیش امکانیتینی یرهتیشنی مقصد قیلگن، بو ایش اونگه جمعیتده فایدهلی بولیش و اشتراک ایتیش تویغوسینی بیرهدی.
زهرا کېلهجکدهگی فعالیتیدن امیدوار بولیب، صناعت آرقهلی اۉزی و باشقه قیزلر اوچون یارقین بیر یول چیزیش گه امید قیلماقده. «بو ایش بیلن یخشی کېلهجگیم بارلیگینی اویلهی من و رسم چیزیشنی رواجلنتیریش یانیده باشقهلر گه هم امکانیت یرهتیشنی اېستهی من.»
سۉنگی تورت ییل ایچیده قیزلر اوچون تعلیم و ایش امکانیتلری چېکلنگن بولسهده، شوندهی قیزلر هنوز موجود، اولر صناعت همده باشقه ساحهلرده فعالیت یوریتیش آرقهلی، بارلیغی و ارادهسینی نمایان ایتیش گه حرکت قیلهدیلر.
