هرات محلی مسئوللری، هرات-اسلامقلعه یونهلیشیده یوز بیرگن ترافیکی حادثه عاقبتیده قربانلر رقمی ۷۶ کیشیگه آشگنینی معلوم قیلهدیلر.
هرات حاکمی سۉزلاوچیسی محمدیوسف سعیدی گه کوره، ۲۸-اسد، سهشنبه کونی اسلامقلعه چېگرهسیدن پایتخت کابل تامان حرکت گه بولگن «۵۸۰» رسوملی بیر یولاوچی تاشووچی بیر موتر، بیر موتر سایکل و «مازدا» رسوملی بیر یوک تاشووچی موتر بیلن توقنشیب و کېین اېسه آلاو آلگن.
بیزلرنینگ فیسبوک صحیفهمیزگه باش اورینگ!
اونگه کوره، واقعه طفیلی قربانلر آرهسیده کېکسه کیشیلر، عیاللر، بالهلر ۵۸۰ رسوملی موتر هیداوچیسی، موتر سایکل هیداوچیسی و مازدا موتری هیداوچیشی هلاک بولگن.
سعیدینینگ کوپهیتیریشیچه، اوشبو واقعهده باشقه اوچ کیشی یرهلنگن.
هرات حاکمی سۉزلاوچیسی گه کوره، ملی مدافعه وزیرلیگی و ۲۰۷ الفاروق قول اردو قوماندانلیگی همکارلیگی بیلن قربانلر جسدینی اوشبو قول اردونینگ ساووقخانهسیگه انتقال بیرگنلر و اولرنینگ کابل گه انتقال بیریش امکانیتی یرهتیلگن.
بیزلرنینگ «ایکس» ترماغی ده هم تعقیب قیلینگ!
هیداوچیلرنینگ دقتسیزلیگی و یوللر بوزوقلیگی، افغانستانده ترافیکی حادثهلرنینگ اساسی عاملی سنلهدی که انده-سنده یشاوچیلردن قربانلیک آلهدی.
