ایران ملی خوفسیزلیک عالی کینگشی کاتبی علی لاریجانی، بو مملکتنینگ امریکا بیلن هیچ قندهی مذاکره قیلمسلیگینی معلوم قیلگن.
بوندن آلدین الجزیره خبری ترماغی، وال استریت ژورنال دن نقل قیلیب، لاریجانی واشینگتن بیلن مذاکرهلر قیته باشلنیشی اوچون سعیوحرکتلرنینگ باشلهگنیدن گزارش بیرگن ایدی.
امریکا و اسرائیل ۹-حوت، قوشمه شکلده ایران گه هجوم قیلگنلر که مذکور هجوملر نتیجهسیده، بو مملکت رهبری سیدعلی خامنهای و ییریک مرتبهلی رسمیلری اولگن.
اوشبو واقعهدن کیین، سپاه پاسداران اورته شرق ده امریکا پایگاهلری و اسرائیلنینگ بیر قطار حدودلریگه قرشی «قصاص آلیش» هجوملرینی باشلهگن.
مذکور هجوملر، منطقهده کیسکینلیک کمهیشی بوییچه امیدلرنی آشیرگن، ایران و امریکا آرهسیدهگی هستهای مذاکرهلر اوتکزیلیشی پیتده، یوز بیرگن.
