ایران ملی خوفسیزلیک عالی کینگش کاتبی علی لاریجانینینگ ایتیشیچه، اسرائیل باش وزیری بنیامین نتانیاهونینگ «کولگیلی اویینلری» طفیلی دونالد ترامپ، امریکا نی ایران بیلن «عدالتلی بولمهگن» اوروشگه تارتگن.
لاریجانینینگ بوگون (۱۳-حوت/۴-مارچ، چهارشنبه)، اکس صحیفهسیده ترامپگه خطاب یازیشیچه: «ایندی حساب-کتاب قیلسین، سونگی بیر نیچه کون ایچیده ۵۰۰ دن آرتیق امریکا کوچلری هلاک بولگنیدن کیین، حاضر ینه هم بیرینچی اورینده امریکا بار می یا-ده اسرائیل؟»
ایران ملی خوفسیزلیک عالی کینگش کاتبی، امریکا و اسرائیلنینگ قوشمه هجوملریده سیدعلی خامنهاینینگ اولگنیگه اشاره قیلیب و اورغولشیچه، واقعه دوام قیلماقده و امریکا خامنهنینگ اولدیرگنی اوچون آغیر تاوان تولهشی کیرهک.
امریکا و اسرائیل، ۹-حوت شنبه، قوشمه شکلده ایران گه هجوم قیلگن. اوشبو هجوم نتیجهسیده ایران رهبری سیدعلی خامنهای و بو مملکت حربی و خوفسیزلیک ییریک رسمیلریدن قطاری اولگن.
مذکور واقعه طفیلی، سپاه پاسداران اورته شرقده امریکا پایگاهلریگه و اسرائیلنینگ بیر قطار بولیملریگه قرشی «قصاص آلیش» هجوملرینی باشلهگن.
