لغمان ولایتی‌ده‌گی تاریخی جای‌لردن بیری اوشبو ولایت مرکزی‌ده جایلشگن مهترلام بابا زیارتی دیر. شاه شجاع زمانی‌ده بو زیارت یانیده بیر چای‌خانه قوریلگن که او، حکومت‌دارلیک زمانی‌ده دم آلیش اوچون بو ییرگه باره‌ر ایکن.
اوتگن ییل‌لرده بهار و قیش‌ده، مهترلام شهری اطرافیده بیر دشت‌ده جایلشگن مهترلام بابا زیارتی‌نی کوریب چیقیش اوچون یوزلب کیشی باره‌ر ایکن؛ بیراق جاری ییل‌ده بو جای گه نسبت قیزیقیش کمه‌یگن.
لغمان ده‌گی مدنیتچیلر، مهترلام بابا زیارتی‌نی کوریب چیقه‌دیگنلر کمه‌یشی گه اشاره قیلیب و ایتیشلریچه، مذکور ییرده درخت‌لر سایه‌سی بیلن چپس، جلبی و چای ساته‌دیگن بیر نیچه کیشی‌‌دن باشقه هیچ نرسه کوریلمه‌ی و کوریب چیقه‌دیگنلر اوچون هیچ قنده‌ی آسایشته‌لیک یوق.
بیزلرنینگ فیسبوک صحیفه‌میزگه باش اورینگ!
اولر گه کوره، سرپرست حکومت آرقه‌لی مهترلام بابا زیارتی‌دن کوریب چیقه‌دیگنلر اوچون ییترلی آسایشتهلیکلر یره‌تیلمه‌گنی صورت‌ده، کیله‌جک‌ده کوریب چیقه‌دیگنلر سانی‌نینگ سیزیلرلی درجه‌ده کمه‌یشی ممکن.
بو توغریده لغمان ده‌گی مدنیتچیلردن بیری علی‌نینگ سلام‌وطندار گه ایتیشیچه: «مهترلام بابا زیارتی اطرافیده بیر نیچه درخت بار که اولردن قطاری هم کیسیلگن. بو توغریده دولت آرقه‌لی توجه بولینیشی و سیاحتچیلر اوچون ییترلی آسایشتهلیکلر یره‌تیلیشی مقصد بیر پارک قوریلیشی‌نی ایسته‌یمیز.»
لغمان ده‌گی مدنیتچیلردن باشقه بیری و بو ولایت‌نینگ سابق معلومات و مدنیت باشلیغی فیضان‌الله پتان‌گه کوره، لغمان ده کوریش‌گه سزاوار جای‌لر بار؛ بیراق کوپینچه سیاحتچی‌نینگ توجهسینی جلب قیلیش اوچون بو نرسه‌لردن درست شکلده مدیریت بولینیشی کیره‌ک.
اونینگ کوپه‌یتیریشیچه، یشیل ساحه‌لر، اورمان‌لر و تاریخی جای‌لر، کوریب چیقیش اوچون کوریش‌گه سزاوار جای‌لردن بولیب و لغمان ولایتی اولردن برچه‌سیگه ایگه دیر. «مهترلام بابا زیارتی‌ده، قندهار دن هندوستان گچه حکمران‌لیک قیلگن افغانستان‌لیک حاکم‌لری عایله‌لری جسدی توپراققه تاپشیریلگن. وقتی‌ده سپه‌سالار غازی محمد‌شاه خان بابکرخیل که وزیر محمداکبرخان‌نینگ قیین‌آته‌سی دیر، اونینگ مقبره‌سی هم او ییرده. بو موضوع‌نینگ اهالی‌گه تانیشتیریلیشی کیره‌ک، چونکه بو ایش نه فقط مهترلام بابا زیارتی ارزشی‌نی یوقاری کیتکزه‌دی؛ بلکیم اهالی اوچون قیزیق بیر نرسه دیر.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، لغمان معلومات و مدنیت ریاستی‌نینگ تاریخی جایلرنی سقلش بوییچه مدیری محمدنادر مخور‌نینگ ایتیشیچه، مهترلام شهریده سکیز تاریخی جای موجود بولیب، کوپینچه شهرت و ملی ارزش‌گه ایگه دیر.
شونینگدیک جناب مخور، سونگی آی‌لرده مهترلام بابا زیارتی‌دن کوریب چیقه‌دیگنلر سانی‌نینگ کمه‌یگنی‌نی قبول قیلیب، بو مکان‌دن کوریب چیقه‌دیگنلر اوچون اساسی آسایشتهلیکلر یره‌تیلیشی توغریسیده سوز بیرگن. «مهترلام بابا زیارتی‌گه سیاحتچیلر توجهسینی جلب قیلیش‌گه سعی‌وحرکت قیله‌میز. بو توغریده بروشورلرنی هم چاپ قیلگن‌میز و شونینگدیک بو توغریده فعالیت قیلهدیگن تورلی‌خیل اداره‌لر بیلن گپ‌لشماقده‌میز که سیاحتچیلر توجهسینی جلب قیلسه‌ک و اولرگه آسایشته‌لیک یره‌تسه‌ک.»
مهترلام بابا زیارتی بناسی، افغانستان‌‌‌نینگ مرحوم پادشاه‌سی حبیب‌الله خان زمانی‌ده قوریلیب و افغانستان سابق جمهور باشلیغی حامد کرزی زمانی‌ده، اونینگ بیر قطار بولیم‌لری قیته قوریلگن.
