کان‌لر و پترولیم وزیرلیگی مسئوللری، بوگون (یک‌شنبه، ۱۳ حمل) اوشبو وزیرلیک نینگ ۱۴۰۱_ییل ایش گزارشی حقیده معلومات بیریش اوچون، کابل ده حکومت نینگ اطلاعات و میدیالر مرکزی ده اوتکزگن ییغیلیشی ده ایتیشیچه، کان‌لر و پترولیم وزیرلیگی، قویاش اوتگن ییل ده ۱۷ میلیارد ۴۸۷ میلیون ۴۳۹ مینگ ۵۰ افغانی درآمد قیلگن.
کان‌لر و پترولیم وزیرلیگی نینگ معلوماتی اساسیده، قویاش ۱۴۰۰_ییل گه قره‌گنده اوشبو وزیرلیک نینگ درآمدی ۵۸۳ فایز کوپه‌یگن. کان‌لر و پترولیم وزیرلیگی نینگ پلان و پالیسی معینی ضیاءالرحمان آریوبی نینگ ایتیشیچه: «کان‌لر و پترولیم وزیرلیگی نینگ یخشی مدیریتی سبب، اوتگن ییل بانکی سیستم آرقه‌لی شفاف شکلده قریب ۱۷ میلیارد ۵۰۰ میلیون افغانی درآمد ییغیلگن.»
بیزلرنینگ فیسبوک صحیفه‌میزگه باش اورینگ!
کان‌لر و پترولیم وزیرلیگی نینگ معلوماتی اساسیده، اوتگن ییل توپلم شکلده داوطلب‌لیک آرقه‌لی مملکت بویلب ۷۰ دن آرتیق کیچیک کان نینگ قازیب چیقریش ایشی قرار‌داد گه تاپشیریلیب و شونینگدیک سمنگان، سرپل و بغلان ده تاش کومیر کان‌لری کبی نفت، مس و سمنت بویوک کان‌لری نینگ قازیب چیقریش ایشی دوام ایتماقده.
کان‌لر و پترولیم وزیرلیگی اوتگن ییلی، تاش کومیر کانی قازیب چیقریلیشی دن کوپ درآمد قیلگن ایدی، که مثلی کوریلمه ده درجه ده قازیب چیقریلیب و چیت ایل گه صادر بولگن.
شونینگدیک، تاش کومیر کانی ستندرد و معیاری شکلده قازیب چیقریلمسلیگی باعث چیقیندیلری کوپه‌یشیدن خواطرلر آشگن. کان‌لر و پترولیم وزیرلیگی مسئوللری، سلام‌وطندار بیلن اوتکزگن صحبت‌لریده چیقیندی‌لرنی تصدیقلسه ده، لیکن رقمی حقیده ایضاح کیریتمه‌گنلر.
کان‌لر و پترولیم وزیرلیگی نینگ درآمد ریاستی رئیسی محمد‌رسول عقاب نینگ ایتیشیچه: «چیقیندیسی حتمی بولیشی ممکن، بیراق کیله‌سی ییل ده‌گی پالیسی ده بو توغریده بیر طرز‌العمل توزله‌دی و چیقیندی‌لر آلدی آلینیشی اوچون بیر قطار شرط‌لر هم یره‌تیله‌دی.»
بیزلرنینگ توییترده هم تعقیب قیلینگ!
باشقه تاماندن، کان‌لر و پترولیم وزیرلیگی، افغانستان کان‌لری ناقانونی شکلده قازیب چیقریلیشی و قاچاقی آلدی آلینیشیدن ایشانچ بیرگن.
مذکور وزیرلیک سوزلاوچیسی همایون افغان نینگ ایتیشیچه: «کان‌لر نینگ ناقانونی شکلده قازیب چیقریلمسلیگی اوچون، کان‌لر و پترولیم وزیرلیگی چوکاتی‌ده کان‌لر نی درست بیر شکلده حفاظت قیلیش اوچون کان‌لردن حفاظت قیلیش کمیته اسمی‌ده بیر ریاست ایجاد بولگن.»
عین‌حالده، افغانستان منطقه ده غنی کان گه ایگه بولگن مملکت سنله‌دی، بیراق اوزاق مدت‌لی اوروش‌لر و دایمی و کوچلی بیر حکومت نینگ شکللنمسلیگی سبب، اوشبو کان‌لر هیچ بیر زمان ستندرد بیر شکلده قازیب چیقریلمه‌گن.