کابل ده ۴ میلیون دالر ارزشی بیلن «آسیا نور فارما» اسمی آستیده، دارو ایشلب چیقرووچی بیر ایشخانه آچیلگن.
مذکور ایشخانه، بوگون (چهارشنبه، ۲۲-قوس)، کوتل خیر‌خانه نینگ «کچکین» منطقه‌سیده ایجاد بولیب و فعالیت گه باشله‌گن.
آسیا نور دارو ایشلب چیقرووچی ایشخانه مسئوللری، آز قیمت و صفتلی دارو ایشلب چیقریلیش خصوصیده تاکید‌لب ایتیشلریچه، حاضر ایسه اوشبو ایش‌خانه‌ده ۶۸ تور‌دن آرتیق دارو ایشلب چیقریله‌دی.
بیزلرنینگ فیسبوک صحیفه‌میزگه باش اورینگ!
عین حالده، مذکور دارو ایشلب چیقرووچی ایشخانه باشلیغی ضیا‌الدین مایار وردک، افغانستان ده سرمایه یاتقیزیلیشی کوپه‌یشی اوچون، مملکت گه دارو قاچاقی آلدی آلینیشی نی ایسته‌گن.
اونینگ ایتیشیچه: «مارکیت و قاچاق‌ده قیین‌چیلیگی‌میز بار، دارو قاچاقی برابریده کوچی‌میز ییتیشمه‌یدی، سعی و حرکت‌لر آز دیر. بعضی مسئله‌لر بازار ده بار و اوشبو اداره اونگه قرشی کوره‌شیش گه امکانیتی یوق.»
شونده‌ی بیرحالده، آزیق-آوقت و دارو اداره مسئوللری نینگ ایتیشلریچه، مملکت گه دارو قاچاقی آلدی آلینیشی اوچون، کوپینچه چیکلاو‌لر یره‌تیلگن دیر.
آزیق-آوقت و دارو اداره سرپرستی عبدالباری عمر نینگ ایتیشیچه، مملکت ایچیده ایشلب چیقریله‌دیگن ۱۵ قلم دارو نینگ وارد بولینیشی تقیق‌لنگن. اونینگ کوپه‌یتیریشیچه: «خودکفالیک اوچون دارو قاچاقی خصوصیده چیکلاو‌لر یره‌تدیک و ۱۰-۲۰ فایز بار که اونینگ کمه‌یشی اوچون هم سعی و حرکت قیله‌میز.»
بیزلرنینگ «ایکس» ترماغی ده هم تعقیب قیلینگ!
آزیق-آوقت و دارو اداره مسئوللری، اهالی و ساغلیق ایشلاوچیلریدن، مملکت‌‌ده دارو ایشلب چیقرووچی ایش‌خانه‌لردن حمایت قیلیش اوچون، افغانستان ده ایشلب چیقریله‌دیگن دارو‌لردن قوللنیلیشی نی ایسته‌گنلر.
باشقه بیر تامان‌دن، ایش اداره باشلیغی نورالحق انور نینگ ایتیشیچه، سرپرست حکومت دارو ایشلب چیقریله‌دیگن ایش‌خانه‌لر قیین‌چیلیکلری حلی اوچون سعی و حرکت قیله‌دی. اونینگ کوپه‌یتیریشیچه: «اسلام امیر‌لیگی دارو ایشلب چیقرووچی ایش‌خانه‌لر قیین‌چیلیگی نی حل قیلیش اوچون سعی و حرکت قیله‌دی و شونینگدیک نیچه روپیه تاپیش اوچون اهالی گه صفت‌سیز دارو ساته‌دیگنلر بیلن قانونی یانده‌شیلیشی کیره‌ک.»
آزیق-آوقت و دارو اداره‌سی نینگ آماری اساسیده، حاضر ایسه مملکت بویلب دارو ایشلب چیقره‌دیگن ۹۵ ایشخانه نینگ فعالیتی بار.
