شمالی کوریا ییتکچیسی کیم جونگ اون، اوشبو مملکت باش وزیر اورین باسرینی ایچکی بیلن تقاسلب ایشدن هیدهدی.
ییتکرمهلر بوگون (۱ دلو/ ۲۱ جنوری، پنجشنبه) ترقهتگن گزارشلریده، شمالی کوریا رهبری موترسازلیک ساحهسیدهگی قیینچیلیکلر سبب اوشبو مملکت باش وزیر اورین باسرینی ایشدن هیدهب و اونی ایچکی گه قیاسلهگن.
شمالی کوریا رهبری، موترسازلیک ساحهسی اوچون جوابگر بولگن باش وزیر اورین باسری یان سونگ هو نی مملکت شمالی-شرقیده جایلشگن رینسان موترسازلیک مجموعهسینی زمانهویلشتیریش ایشلری جریانیده «کیرهکسیز، صنعی طرزده یاریتیلگن بیترتیبلیک» که سببچی بولگنلیکده عیبلنگن.
کیم جونگ اوننینگ ایتیشیچه، لایحه «مسئولیتسیز و ناکس» عملدارلر طفیلی سیزیلرلی اقتصادی یوقاتیشلر گه اوچرهگن. او شونینگدیک، میلادی ۲۰۲۵ ییل دسمبر آییده بولیب اوتگن حزبی ییغیلیشیده هم بو مسئلهلر یوزهسیدن یان سونگ هونی تنقید قیلگنینی، کیین ایسه اونی دقت بیلن کوزهتیب بارگنینی، بیراق او مطلقا جوابگرلیک حسینی سیزمهیاتگنینی انیقلهگنینی ایتگن.
