عیاللر و قیزلر اوچون ایش شرایطی چیکلنگن افغانستان ده، مرسل دلدار بیر هدف بیلن باشله‌ب، اوقووچیلر گه تینچ و صفتلی تعلیمی فضانی یره‌تگن. او آلتی ییل سعی‌وحرکت‌دن کیین کابل ده «گنجینه‌ی بنیامین» مکتبی نی نه فقط تعلیمی بیر مرکز صفتیده آچگن، بلکیم بو مرکز مینگ‌لرچه افغانستان‌لیک قیزگه امید و کوچ‌نینگ رمزی‌گه اوزگرگن.
۳۲ یاشر مرسل دلدار، هر کونی بویوک آرزولری‌گه هیچ نرسه‌نینگ توسیق بوله آلمسلیگی نی اثبات‌لماقده. او خصوصی بیلیم یورت‌لردن بیری‌ده اقتصاد فاکولته‌سینی بیتیریب و نه فقط اوزی‌گه رواجلنیش فرصتی، بلکیم مینگ‌لرچه اوقووچی‌گه اورگه‌نیش زمینه‌سینی یره‌ته‌دیگن فرقلی یول‌نی کیزیش‌گه قرار آلگن.
مرسل‌نینگ ایتیشیچه: «گنجینه‌ی بنیامین لیسه‌سینی قورگنیم‌دن آلتی ییل بوله‌دی. باش‌ده مکتب‌نی اورته شکلده قوردیم و بیر ییل فعالیت قیلیش‌دن سونگ مکتب نی لیسه گه اوزگرتیردیم. مکتب گه ایگه بولیش کیچیک‌لیک‌لیگیم‌دن بولگن آرزولریم‌دن بیری ایدی.»
بیزلرنینگ «ایکس» ترماغی ده هم تعقیب قیلینگ!
۲۶۰ اوقووچی بیلن مکتبی فعالیتی‌نی باشله‌گن مرسل‌نینگ ایتیشیچه، حاضر مکتبی‌ده ۵۰۰ اوقووچی بار و باش‌ده اقتصادی قیین‌چیلیکلردن فرهنگی تبعیض‌گه قدر کوپینچه قیین‌چیلیکلر بیلن روپه‌ره بولگن؛ بیراق اهالی حیاتی‌نینگ تعلیم اوزگرتیره آلیشی‌‌گه ایشانیب و هیچ وقت تسلیم بولمه‌گن.
مرسل دلدار‌نینگ کوپه‌یتیریشیچه: «بو یول‌ده کوپینچه قیین‌چیلیک بیلن روپه‌ره بولدیم؛ توزوم اوزگریشی بیلن اوقووچیلریمیز سانی کمه‌یدی و اوندن کیین قیته فعالیت گه باشله‌ب و بولگن هدفیم اوچون مکتب‌نی قیین‌چیلیکلردن اوزاق‌لشتیردیم. اقتصادی، اجتماعی، نهادلردن قطاری اینیقسه دولت آرقه‌لی یاردم‌لر کملیگی، فرهنگی و تبعیض، روپه‌ره بولگنیم قیینچیلیکلریم‌دن ایدی.»
مرسل‌نینگ اورغولشیچه، بو یول عایله و تورموش اورتاغی‌نینگ حمایتی بولمه‌گنی صورت‌ده امکان‌سیز بولیب و اولرنینگ قوللب-قوتله‌گنی بو آرزو گه ییتیشیشی توغریسیده یاردم بیرگن. «مکتب‌‌نینگ قوریلیشی‌ده کوپراق تورموش اورتاغیم حمایت قیلدی و دایم مینی تشویق قیلدی، شونینگدیک عایله‌م، آته و آنه‌م، ایناغه‌لریم، سینگیل‌لریم بو توغریده مینی قوللب-قوتله‌دیلر. مین اوز منبع‌لریم‌دن باشله‌دیم.»
او بویوک مقصد‌لرنی نظرگه توتگن و کیله‌سی برنامه‌لریده تعلیمی صفت‌نی کوچه‌یتیریب و مکتبی‌نینگ درسی مضمونلری آره‌سیگه ینگی بولیم‌لرنی کوپه‌یتیریش بیلن اوقووچیلر گه تینچ و مستقل فضا نی یره‌تماقچین. شونینگدیک مکتبی یقین‌ده عیاللرنینگ ایش امکانیتی کینگه‌یتیریلیشی و رواجلنیش فرصتی یره‌تیلیشی اوچون اولرگه مخصوص بیر کافه‌نی آچماقچین.
بیزلرنینگ فیسبوک صحیفه‌میزگه باش اورینگ!
بانو دلدار گه کوره: «کیله‌سی برنامه‌لریم‌دن بیری شو که تعلیم کیفیتی توغریسیده کوپ ایشلماغیم کیره‌ک؛ هر بولیم‌گه قیزیققن اوقووچیلر اوچون زمینه یره‌تیلسین؛ اوشه بولیم‌ده درس اوقیب و فعالیت قیله آلیشلری اوچون زمینه یره‌تیلسین. مکتب مضمونلری یانیده بیر مهارت‌نی اورگنسینلر. مکتب‌نی لیسه‌دن انستیتیوت و بیلیم یورت‌گه اوزگرتیره آلسم و تحصیل قیلمه‌گن عیاللر اوچون بیر کافه آچماقده‌مین که فعالیت‌گه باشله‌سینلر.»
تعلیم و تربیه بوییچه ایش بیلرمان جمال‌الدین سلیمانی، تعلیم ساحه‌سیده عیاللر حضوری اهمیتی‌گه تاکید‌لب و ایتیشیچه: «جمعیت‌ده تورلی بولیم‌لر اینیقسه تعلیم و تربیه بولیمی‌ده عیاللر حصوری کوپ اونملی دیر. بو توغریده عیاللرنینگ سرمایه یاتقیزیشی تعلیم و تربیه وضعیتی یخشی‌لنیشی‌گه ایجابی تاثیر قویه آله‌دی. بو توغریده حکومت‌نینگ حمایت‌لری هم تعلیم و تربیه ساحه‌سیده عیاللرنینگ کوپراق رواجلنیشی‌گه زمینه یره‌ته آله‌دی و اسلام امیرلیگی آرقه‌لی بو بولیم‌ده عیاللرنینگ کوپراق سرمایه یاتقیزیشی توغریسیده شرایط یره‌تیلیشی‌گه امید قیله‌من.»
توزوم اوزگرگنیدن کیین عیاللر تعلیمی توغریسیده چیکلاولر یره‌تیلگنی و آلتینچی صنف‌دن یوقاری قیز اوقووچیلر‌نینگ مکتب گه باره آلمسلیگی بیلن؛ بیراق مرسل دلدار افغانستان‌لیک عیاللر اوچون الهام بیرووچی بیر الگو بولیب، قرار و سعی‌وحرکت بیلن قیین‌چیلیکلر گه غالب بولیش و جمعیت‌نی اوزگرتیریش اوچون بویوک آدیم‌لرنی آلیش‌نی ثابت قیلگن بیر عیال دیر.
