قزاقستان، مرکزی آسیاده ایلک بار «اوچر تکسینی» سیناودن اوتکزدی.
ییتکرمهلرنینگ معلوماتیگه کوره، قزاقستانده «اوچر تکسی»نینگ اوچیریش سیناوی ۲۹ ثور/۱۹ می، سهشنبه کونی آلماتا یقینیدهگی آلهتاو شهریده شهر هوا ترانسپورتی ینگی دورینی باشلش مراسمیده اوتکزیلگن.
قید ایتیلیشیچه، قزاقستان مرکزی آسیاده بیرینچی بولیب اوچر تکسی، ییتکزیب بیروچی درانلر و دیجیتالدن فایدهلنیشنی یولگه قویماقچی. عینن آلهتاو شهریده اوچیش و قونیش گه مولجللنگن مخصوص قوریلمه « eVTOL» نینگ ایلک پروازی عملگه آشیریلگن.
مذکور لایحه قزاقستاننینگ «آلهتاو ادوانس» کمپنیهسی تامانیدن امریکا، چین، جنوبی کوریا و ایتالیادن بولگن همکارلر بیلن بیرگهلیکده عملگه آشیریلهدی و جمعی ۳۰۰ میلیون امریکا دالری صرفلنیشی ایتیلگن.
