قزاقستانده ۱۶ یاشگچه بولگن بالهلر و اوسمیرلر گه اجتماعی ترماقلردن فایدهلنیشنی تقیقلش گه قرار قیلینگن.
ییتکرمهلر بوگون (۱ دلو/ ۲۱ جنوری، پنجشنبه) قزاقستان مدنیت و اخبارات وزیرلیگی گه اساسلنیب بو حقده خبر بیردیلر.
معلوماتلر گه کوره، قزاقستان مدنیت و اخبارات وزیرلیگی ۱۶ یاشگچه بولگن بالهلر و اوسمیرلرنینگ اجتماعی ترماقلردن فایدهلنیشنی چیکلش گه قرهتیلگن قانون لایحهسینی ایشلب چیققن.
معلوم قیلینیشیچه، قانون لایحهسی الهقچان بیلرمانلر تامانیدن کوریب چیقیلگن و حاضرده جمعیتچیلیک محاکمهسی اوچون قوییلگن.
حجتلرنی عملگه آشیریش دایرهسیده اجتماعی ترماق فایدهلنوچیلرینینگ یاشینی تصدیقلش میکانیزملرینی جاری ایتیش همده قاعده بوزرلیکلر اوچون جریمه بیلگیلش ریجهلشتیریلماقدهلیگی ایتیلگن.
شونینگدیک، اهالینینگ ییتکرمه سوادخوانلیگینی آشیریش و مستقل ییتکرمهلرنی قوللب-قوتلش مسئلهلریگه هم علیحده اعتبار قرهتیلیشی تأکیدلنگن.
