کاپیسا یشاوچیلری نینگ ایتیشلریچه، اوشبو ولایتده روحی کسللیکلر گه چلینگنلر سانی کوپه‌یگن.
مذکور ولایت نینگ ولایتی کسل‌خانه‌سی گه ابه‌سینی روان‌شناس یانیگه آلیب بارگن کاپیسا یشاوچیسی احمدذکی نینگ ایتیشیچه، اونینگ ابه‌سی جدی روحی کسل‌لیککه چلینگن.
احمدذکی نینگ کوپه‌یتیریشیچه: «منطقه‌ده قیینچیلیکلر کوپه‌یماقده دیر. ابه‌م نینگ اویقو و اشتهاسی هم یوق، تورلی‌خیل ایشلری نی انجام بیره‌دی و روحی خواطرلری کوپ دیر. مراجعت قیلووچی تورلی یاشلری آره‌سیده اینیقسه کیکسه‌لر، عیال و ایرکک دیر. اهالی نینگ اقتصادی قیین‌چیلیگی بار و شخصی کسل خانه گه باریب و قیین‌چیلیکلری نی حل قیله آلمه‌یدیلر.»
بیزلرنینگ «ایکس» ترماغی ده هم تعقیب قیلینگ!
کاپیسا یشاوچیلریدن باشقه بیری مزمل نینگ ایتیشیچه، آنه‌سی نینگ اویقو و اشتهاسی یوق و انه شوو سبب، اونینگ روان‌شناس گه کیلتیرگن. مزمل نینگ کوپه‌یتیریشیچه، کاپیسا ولایتی کسل‌خانه‌سیده، روان‌شناس آز دیر و حکومت مذکور کسل‌خانه‌ده عیال و ایرکک روانشناسلر سانی نینگ کوپه‌یتیریش ایسته‌یدی.
اونینگ کوپه‌یتیریشیچه: «کوپ تشویش قیله‌دی، اویقو و اشتهاسی هم یوق. کاپیسا مرکزی‌ده شفاکار آز و دارو یوق؛ دولت‌دن کاپیسا مرکزی کسل‌خانه‌سیده عیاللر و ایرکک‌لر بولیمی ده عقلی و عصبی ملکه‌ل شفاکارلر نینگ تعیین بولینیشی نی ایسته‌یمیز.»
شفاکارلر نینگ ایشانچی گه کوره، روان‌شناس گه کسل‌لر نینگ مراجعتی کوپه‌یگنی، ساغلیق بولیمی گه اولر نینگ ایشانچ و عمومی آگاه‌لیک سطحی کوپه‌یگنی نی کورسته‌دی.
روان‌شناسلردن بیری جمشید رسا نینگ ایتیشیچه، روحی قیینچیلیکلر ایرکک‌لر و عیاللر آره‌سیده فرقلی دیر. اونگه کوره، تورلی‌خیل بولیم‌لرده چیکلاولر یره‌تیلیشی، ایش‌سیزلیک و اقتصادی یامان وضعیت، روحی کسل‌لیککه چلینیش اونملی عامل‌لریدن دیر.
رسا نینگ کوپه‌یتیریشیچه: «سونگی کونلر مراجعت قیلووچی سانی کوپه‌یگن. بیولوژیکی، روحی و اجتماعی عامل‌لر روحی قیینچیلیکلر نینگ اورته گه کیلیشی گه سبب بوله‌دی، اهالی بیلیمی هم یوقاری کیتگن؛ اوتگن ییل‌لرده روان‌شناس گه مراجعت قیلیش نی عیب بیله‌ر ایدیلر، قشاق‌لیک، ایش‌سیزلیک، درس و عایله‌وی قیینچیلیکلر، روحی قیین‌چیلیک نینگ کوپه‌یشی گه سبب بوله‌دی.»
بیزلرنینگ فیسبوک صحیفه‌میزگه باش اورینگ!
عین حالده، کاپیسا ساغلیق‌نی سقلش ریاستی مسئوللری نینگ ایتیشلریچه، اوشبو ولایتده روحی کسللیکلر گه چلینگنلر سانی اوتگن ییل گه قره‌گنده کمه‌یگن.
مذکور ریاست نینگ میدیالر بولیمی مسئولی لالا‌گل قادری نینگ ایتیشیچه: «کاپیسا ولایتی کسل‌خانه‌سیده تورت روان‌شناس بار. هر تومن‌ده بیر مصلحتچی بار، ۱۴۰۱-ییل‌ده ۱۲ مینگ ۶۵۳ کیشی ولایتی کسل‌خانه گه مراجعت قیلگن ایدیلر که اولردن کوپینچه‌سی تشویشی کسل‌لیکلری بار ایدی و بو ییل نینگ باش آلتی آییده، روحی کسل‌لیککه چلینگن ۵ مینگ ۶۶ کسل مراجعت قیلگن که اوتگن ییل گه قره‌گنده کمه‌یگنی نی کورسته‌دی.»
روانشناسلر نینگ ایشانچی گه کوره، کونده‌لیک ایش‌لرنی یخشی‌لب ریجه‌لنتیریش، قیزیقرلی ایش‌لرگه یوز کیلتیریش و منتظم تیریک‌لیک قیلیش انسان‌لرنی روحی کسل‌لیککه یولیقیشی اونگی‌نی آله‌دی.
