کاپیسا امنیه قوماندانلیگی مسئوللری نینگ ایتیشلریچه، اوشبو ولایت حصه‌ی دوم کوهستان تومنی اطرافیده، قوراللی کیشیلر آرقه‌لی بیر آنه ایکی قیزی بیلن اوققه توتیلیب اولدیریلگن.
بیزلرنینگ «ایکس» ترماغی ده هم تعقیب قیلینگ!
کاپیسا امنیه قوماندانلیگی سوزلاوچیسی عبدالفتاح فائز نینگ سلام‌وطندار گه ایتیشیچه، دوشنبه کیچه، حصه‌ی دوم کوهستان تومنی نینگ «قطب‌الدین‌خیل مراد خواجه» قیشلاغیده، قوراللی کیشیلر خیرمحمد اسملی بیر کیشی نینگ اوییگه کیریب، ۴۵ یاشر بی‌بی شایسته بیلن ایکی قیزینی کلاشینکف آرقه‌لی اوققه توتیب و یره‌لنتیرگن که کسل‌خانه گه انتقال بیریلگنلریدن کیین اولگنلر.
عبدالفتاح فائز گه کوره، اولگن کیشیلر کاپیسا نینگ اله‌سای تومنی اصلی یشاوچیسی ایکن. کاپیسا امنیه قوماندانلیگی سوزلاوچیسی نینگ کوپه‌یتیریشیچه، اوتگن کونی عصر چاغی بو واقعه گه تیگیشلی ایکی کیشی قولگه آلینگن.
بیزلرنینگ فیسبوک صحیفه‌میزگه باش اورینگ!
جناب فائز بو واقعه سببی نی عایله‌وی دشمن‌لیک عنوان قیلیب و اورغولشیچه، خوفسیزلیک کوچلری بو واقعه‌ده قولی بولگن باشقه کیشیلر نینگ قولگه آلینیشی خصوصیده سعی‌وحرکت قیلماقده.
