۱۴۰۱-ییل، ۸-میزان توش‌دن آلدین، کابل شهری دشت‌برچی منطقه‌سیده کاج تعلیمی مرکزی‌ده کانکور آزمایشی سیناوی اوتکزیلیش چاغیده، خودکش هجومچیلر سیناو اوتکزیله‌دیگن صنف گه کیریب، بیرینچی‌ده اوقووچیلر نی اوققه توتیب و کیین ایسه، یانلریده‌گی پارتلش ماده‌لر نی پارتلتگنلر؛ مذکور واقعه‌ده قریب ایکی یوز کیشی اولیب و یره‌لنگن. اوشبو واقعه‌دن بیر ییل اوتگنی بیلن، قربان بولگنلر نینگ عایله‌لری حاضرگچه، یقین‌لری نینگ اولیمینی اونوته آلمه‌گنلر.
کاج واقعه‌سیده هلاک بولگنلردن بیری نازنین نینگ آنه‌سی مرضیه گه کوره، نازنین نینگ اولگنی‌دن کیین، کاج تعلیمی مرکزی تامان باریش گه جسارت قیله آلمه‌گن؛ چونکه اونینگ ایشانچی گه کوره، کاج اونگه بخت‌سیزلیک کیلتیریب و اوندن قیزینی آلگن. قیزی نینگ خاطره‌‌لری اونی لرزه گه کیلتیرگن بانو مرضیه نینگ ایتیشیچه، قیزی کیچیک یاش‌دن شفاکار بولیش نی ایسته‌ر ایکن، انه شوو سبب، حیات نینگ برچه اویین-کولگی‌سی نی قوییب و مقصدیگه ایریشیش اوچون، کیچه و کوندوز درس اوقیب و تلاش قیله‌ر ایکن. «نازنین نینگ مقصدی، یالغیز کابل طبیات بولیمی ایدی، طبیات بولیمی‌دن باشقه هیچ بولیمی نی اوقیمه‌یمن دییدی، بو قدرگچه طبیات بولیمی گه قیزیققن ایدی که، بیر جمعه بیر قنچه دقیقه ایشی بولمه‌گنی‌ده، آته‌سی گه اونی کابل طبیات بیلیم یورتیگه آلیب کیتیشی نی ایسته‌ب و آته‌سی بیلن کابل طبیات بیلیم یورتی گه بارگن ایدی.»
کوزلری یاش بیلن تولگن نازنین نینگ سینگیلی سحر نینگ ایتیشیچه، آته‌سی چاروه‌چیلیک و کوپینچه قیین‌چیلیک بیلن، نازنینگ نینگ مقصدی گه ییتیشیشی اوچون سعی و حرکت قیله‌ر ایکن. اونینگ کوپه‌یتیریشیچه: «نازنینگ کاج نینگ اینگ یخشی اوقووچیلریدن ایدی، کیچه و کوندوز یالغیز اوچ ساعت یاتیدی. جاهل‌لر سینگیلیم نی مقصدی گه ییتیشیشی اوچون رخصت بیرمه‌دیلر.»
بیزلرنینگ فیسبوک صحیفه‌میزگه باش اورینگ!
نازنین نینگ عایله‌سی، اوزلری نی تسلی بیریش اوچون، نازنین نینگ اوقوو میزی و کتاب‌لری گه قول اورمه‌گنلر.
باشقه بیر تامان‌دن، کاج تعلیمی مرکزی نینگ آلتین کارتی گه ایگه بولگن نخبه اوقووچیلریدن بیری ۲۰ یاشر اسد‌الله، کانکور سیناوی‌ده بیرینچی اورین‌نی قولگه کیلتیریش هیجانی بیلن بلخ نینگ قیشلاغلریدن بیری‌دن کابل گه کیلیب، کیچه و کوندوز کانکور سیناوی اوچون سعی و حرکت قیله‌ر ایکن، بیراق او هم کاج تعلیمی مرکزی گه اویوشتیریلگن قانلی هجوم‌ده هلاک بولگن دیر.
اسد‌الله نینگ ایناغه‌سی محمد فهیمی نینگ ایتیشیچه، او دایم کاج‌‌ده کانکور آزمایشی سیناوی‌ده، بیرینچی اورین گه ایگه بوله‌ر ایکن. اونینگ کوپه‌یتیریشیچه، آنه‌سی اسد‌الله نینگ اولگنی‌دن کیین، حاضرگچه بلخاب دن کابل گه یاش اوغلی نینگ قبری نی کوریش گه جسارت قیله آلمه‌گن. «آنه‌م خبر بولگنی‌ده، آنه‌م نینگ تیریک قالیشی گه هیچ امیدیمیز قالگنی یوق ایدی. آنه‌م کونلر هیچ گپ‌لمه‌ی و آرام ایدی. بیر کیچه همه یاتگنی‌دن کیین، یریم کیچه ییغله‌یشی نی کوردیک، کوپینچه قیین‌چیلیک‌لر نی تحمل قیله‌ر ایدی.»
اسد‌الله نینگ برچه نوت‌لری، اونلرچه تقدیرنامه و کتاب‌لری نی حاضرگچه اوزی یانیگه قوییگن محمد نینگ ایتیشیچه، اولر ایناغه‌سی نینگ خاطره‌سی نی او اوچون سقلب توره‌دیگن یگانه یادگار دیر.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، ۱۹ یاشر لطیفه، کاج نینگ قانلی واقعه‌سیده اولگن‌لردن باشقه بیری دیر.لطیفه نینگ آنه‌سی گه کوره، او کوپینچه قیین‌چیلیک‌لر بیلن، ینه هم اوزی نینگ کیله‌جگی و آته‌سی گه یاردم بیریش اوچون سعی و حرکت قیله‌ر ایدی. اونینگ کوپه‌یتیریشیچه: «اوتگن قیش موسومی‌ده، بوتون قیش اوشبو ایسیتگیچ بولمه‌گن اوی‌ده اولتیریب، کیچه ساعت بیر-ایکی گه قدر، کوپینچه قیین‌چیلیک بیلن درس اوقه‌ر ایدی. ایاغ آچیق، باش آچیق قالیدی. آچ قاله‌ر ایدی، اما سعی و حرکت قیلیدی.»
لطیفه نینگ آنه‌سی، حاضرگچه اونی اونوته آلمه‌گنی نی ایتیب و هر مرته دسترخوان اوستیده بوش اورنی گه کوزی توشگن پیتده فکری بوزیله‌دی.
کابل نینگ دشت‌برچی منطقه‌سیده کاج تعلیمی مرکزی مسئوللری نینگ بیاناتی اساسیده، اوتگن ییل اوشبو تعلیمی مرکز گه اویوشتیریلگن هجوم‌ده، ۵۳ کیشی اولیب و ۱۲۰دن آرتیق کیشی ایسه یره‌لنگن که، اولردن کوپینچه‌سی نی قیزلرایکن.
