چیچنستان جمهوریتی رهبری رمضان قدیروفنینگ اوغلی، آتهسی یا کی ولادیمیر پوتین بویرسه اوکراین جمهور باشلیغی ولودیمیر زلنسکینی توتیب کیلیشینی بیلدیردی.
ییتکرمهلرنینگ معلوماتیگه کوره، چیچنستان جمهوریتی خوفسیزلیک کینگشی کاتبی آدم قدیروف، اجتماعی ترماق دهگی صحیفهسیده زلنسکینی حربی جنایتچی دیب اتهگن.
معلوماتلر گه کوره، آدم قدیروف، اگر روسیه جمهور باشلیغی ولادیمیر پوتین یا کی چیچنستان رهبری رمضان قدیروف تامانیدن تیگیشلی تاپشیریق بیریلسه، زلنسکینی ایستهلگن جایده تاپیب و آلیب کیلیش مسئلهسی فقط وقت بیلن باغلیق دیب ایتگن.
اونینگ سوزلریگه کوره، بوندهی حالتده زلنسکی جمهور باشلیغ صفتیده ایمس بلکی، «جنایتچی» صفتیده آلیب کیلینهدی.
شونینگدیک آدم قدیروف، زلنسکی گه نسبتن بیرقطار حقارتلی عبارهلرنی ایشلهتیب، اوکراین رهبرینینگ سیاسی فعالیتی یکونیگه یقینلشهیاتگنینی ادعا قیلگن.
بوندن اول، چیچنستان جمهوریتی رهبری رمضان قدیروف، اوکراین جمهور باشلیغی ولودیمیر زلنسکینینگ امریکا چیچنستان رهبری گه نسبتن ونزویلا ییتکچیسی نیکلاس مادورو گه اوخشش چارهلر کوریشی کیرهکلیگی حقیدهگی بیاناتیگه کیسکین مناسبت بیلدیریب و اونی حبس گه آلیش عملیاتینی اوزی بجرمهی، بیراودن سورهگنینی تنقید قیلیب، اوشبو خطی-حرکتلر «ایرککچیلیککه» توغری کیلمسلیگینی ایتگندی.