باشکنت یشاوچیلری نینگ کابلده ناتینچلیک و جنایت‌لر کوپه‌یشیدن خواطر بیلدیریب ایتیش‌لریچه، قوراللی کیشی‌لر و اوغیرلاوچی‌لرنینگ حضوری سبب، یشاوچی‌لرنینگ جان و مال‌لری مصون ایمس.
اولرنینگ ایتیش‌لریچه، کابل شهریده ناتینچلیک‌لر کون اوتیش بیلن کوپه‌یب بارماقده، بیراق حکومت بو بوتوغریده دقت قیلمه‌یدی.
کابل یشاوچی‌لریدن بیری فاطمه مسعود نینگ ایتیشیچه، یشاوچی‌لر هرکون موبایل و پول اوچون جان‌لرینی قولدن بیره‌دی.
کابل یشاوچی‌لریدن باشقه بیری عبدالقرین بگرام‌وال نینگ کابل و باشقه شهرلرده ناتینچلیک و جنایت‌لر کوپه‌یگنیدن خواطر بیلدیریب ایتیشیچه، باشقه ولایت‌لرنینگ یشاوچیلری هم تینچ فضا ده حیات کیچیره آلمه‌یدیلر.
بیراق، بوگون “دوشنبه” ایچکی ایشلر وزیرلیگی سوزلاوچیسی طارق آرین نینگ خبری بیر ییغینده ایتیشیچه، اوتگن ۲۰ کون جریانیده رویخط گه آلینگن ۱۴۶ واقعه جمله‌سیدن ۱۳۳ کیشی قوراللی اوغیرلاوچیلیک، آدم اوغیرلش، مخدره ماده ساتیش و باشقه جنایت‌لرگه عیب‌لنیب قولگه آلینگن.
امنیتی مسوول‌لرنینگ ایتیش‌لریچه، کابل وضعیتی نینگ خوافسیزلیگی‌نی تامین‌لش خصوصیده بیرقطار برنامه‌لر قولگه آلینگن.
باشکنت‌ده جنایت‌لر کوپه‌یشی سبب، طالبان گروهی بیر اعلامیه آرقه‌لی، کابل شهریده جنایت‌لرگه قرشی کوره‌شیش‌لریدن خبر بیرگن، بیراق افغانستان حکومتی، طالبان گروهی نینگ مذکور اعلامیه‌سینی مسخره عنوان قیلگن.
کابلده جنایت‌لر کوپه‌یگنی سبب، اجتماعی ترماقلر فعال‌لری «کابل تینچ ایمس» نامیده بیر کمپاین یولگه قویب موجود بولگن وضعیت‌دن ناراض‌لیک بیلدیرگنلر.