کابل یشاوچیلریدن قطاری گه کوره، اخلتدانیلرنینگ وقتیده بوشهتیلمسلیگی و اونینگ اطرافی همده اریقلرده چیقینلر توپلهنیب قالیشی، یامغیرلی کونلرده اریقلرگه سوو ییغیلیشی و اخلتلرنینگ سرکلرگه آقیب چیقیشیگه سبب بولگن؛ بو وضعیت یشاوچیلرنینگ کوندهلیک باریب-کیلیشینی جدی قیینچیلیک بیلن روپهره قیلگن.
کابل شهری ۱۵-ناحیه یشاوچیسی بولمیش ۲۹ یاشر نصرتاللهنینگ ایتیشیچه، حیات کیچیرهدیگنلری محلده اخلتدانیلر بوشهتیلیشی و سوو اریقلری تازهلنیشی، دایم کیچیکتیریلیب عملگه آشیریلهدی و بو مسئله اهالیگه جدی قیینچیلیکلرنی یرهتگن. «بو جدی بیر قیینچیلیک دیر. بعضا اوچ-تورت آیده یالغیز بیر مرته تازهلنهدی. خصوصی شرکتلر ایشی توختهتیلگنی بیرحالده، بلدیه مسئولیتلری آشگن و کوپ دقت بیلن اریقلر تازهلنیشی، اخلتدانیلر بوشهتیلیشی و منطقهلر پاکلیگیگه توجه قیلینیش کیرهک.»
شونینگدیک کابل شهرینینگ ۱۱-ناحیهسیدهگی قول اوستیده سودا ساتهدیگن ۳۰ یاشر عبدالوارث، سوو کیتهدیگن اریقلرنینگ وقتیده تازهلنمسلیگیدن شکایت قیلهدی. «اریق یقینیدهمین. قریب اوچ-تورت آی بولهدی که هیچ کیم پاک قیلمهگن. حتا سرکلر سوپیریلگنیده، چیقیندیلری اریققه تشلنهدی. اوشبو نیچه آیده هیچ پاککارلیک بولمهگن. یامان هیدی آلدی آلینیشی اوچون اریق اوستیگه ترپال تشلشگه مجبور بولدیک.»
کابل یشاوچیلریدن باشقه بیر قطاری، چیقیندیلرنینگ وقتیده ییغیلمسلیگی طفیلی ساغلیق عاقبتلریدن هم خواطر بیلدیرگنلر. «کابل شهری ۱۰-ناحیه یشاوچیسی حمیرانینگ ایتیشیچه: «چیقیندیلر ییغیلیشی مذکور ساحهگه پشه کوپهیشیگه سبب بولهدی. هوا ایسیقلیگیده تازه هوا اوچون اهالی کلکینلرینی آچیب قوییشگه مجبور دیر، لیکن اویلرگه پشه کیرهدی و میکروب اوتهدی.»
۱۱-ناحیه یشاوچیسی بولمیش ۵۵ یاشر نجمالدین هم، بو وضعیتنینگ عاقبتلریگه اشاره قیلیب و ایتیشیچه: «هوا ایسیق بولیشی بیلن اریقلر تازهلنمسلیگی جمعیت و اهالیگه سلبی تاثیر قویهدی، چونکه جوده یامان هیدی بار. شکایت قیلگنمیز، بیراق کوپ آز توجه قرهتیلگن و هیچ کیم شکایتیمیز گه قرهمهگن. بعضا اخلتدانیلر هر ۴۰-۴۵ کونده بیر مرته تازهلنهدی.»
شوندهی بیرحالده، کابل بلدیهسی فرهنگی ایشلر بوییچه مصلحتچیسی نعمتالله بارکزی، سوو اریقلری تازهلنیشی بولیمیدهگی بار قیینچیلیکلرنی تصدیقلب و ایتیشیچه: «کابل شهریدهگی اریقلر حاضرگچه سنتی شکلده تازهلنهدی و بو جریاننینگ زمانهوی شکلده عملگه آشیریلیشی کیرهک؛ بو موضوع توغریسیده ایشلماقدهمیز. کابل بلدیهسینینگ بو مسئلهگه توجهسی بار. قیغو بیلن کابل زمانهوی کانالیزاسیون سیستمیگه ایگه ایمس و شهری آستقورمهلرنی سقلش اوچون بار کاناللردن فایدهلنیشگه مجبورمیز.»
شونینگدیک شفاکارلرنینگ آگاهلنتیریشیچه، چیقیندیلر و توختهگن سوولر ییغیلیشی، تورلیخیل کسللیکلر چیقیشیگه سبب بولهدی. بو توغریده ایچکی کسللیکلر متخصصی عبید رحیمینینگ ایتیشیچه: «یشاوچیلردن قطاری اینیسقه قیش و یازده، چیقینلرنینگ حددن تشقری ییغیلیشی طفیلی ساغلیقنی سقلش قیینچیلیکلری جملهدن نفس قیسمه بیلن روپهره بولهدیلر. شونینگدیک توپراق افلاسلنیشی و اخلتلر ییغیلیشی، ایچکیتمه، کولرا و قانلی ایچکیتمه کبی کسللیکلر اورته گه کیلیشیگه سبب بوله آلهدی.»
کابل، افغانستاننینگ کوپ جمعیتگه ایگه بولگن شهری بولیب، بوندن آلدین هم شهرنینگ بیر قطار بولیملریده چیقینلرنینگ وقتیده ییغیلمسلیگی و اونینگ طفیلی عاقبتلری توغریسیده کوپینچه شکایتلر بولگن دیر.
