افغانستان ده برق ییتکزیش شرکتی (برشنا) مسئوللری، جوزجان ده برق ییتکزیش ایکی لایحه ایشی یکونلنگنی‌دن خبر بیرگنلر.
برشنا اجرائیه عمومی باشلیغی عبدالباری عمر‌نینگ ایتیشیچه، جوزجان ولایتی‌ده برق ییتکزیش مذکور ایکی لایحه‌نینگ قوریلیش ایشی ۱۲۵ میلیون‌دن آرتیق افغانی خره‌جت کوتاریب و بو لایحه‌لر اوزون‌لیگی ۷۰ کیلومتر دیر.
بیزلرنینگ «ایکس» ترماغی ده هم تعقیب قیلینگ!
جناب عمر‌نینگ کوپه‌یتیریشیچه، بو لایحه‌لر جوزجان مرکزی شبرغان شهری جرقدوق سب ستیشنی‌دن بیات پاور تی‌کنکشن‌‌گچه بولگن ۱۱۰ کیلوولت برق انتقال بیریش لینی و شبرغان شهری‌ده‌گی پُل خراسان‌نینگ ۲۰ کیلوولت ترماغی تمدید بولیشی‌دن عبارت دیر.
برشنا اجرائیه عمومی باشلیغی‌‌گه کوره، برق ییتکزیش اوشبو لایحه‌لر ایشی یکونلنیشی بیلن برق ایشلب چیقریلیش امکانیتی ۴۰ میگاوات‌دن ۹۰ میگاوات‌گه آشیب و فاریاب، سرپل و جوزجان ولایت‌لریده برق کملیگی سیزیلرلی درجه‌ده کمه‌یگن.
عبدالباری عمر‌نینگ اورغولشیچه، برشنا شرکتی بودجه‌سیدن مملکت بویلب برقرار و ایشانچلی برق تامین‌لنیشی توغریسیده سعی‌وحرکت‌نینگ دوامی بار.
شونده‌ی بیرحالده، جوزجان محلی مسئوللری‌نینگ ایتیشلریچه، مذکور لایحه‌لر ایشی یکونلنیشی صناعت و سوداگرلیک بولیمی‌ده سرمایه یاتقیزیلیش زمینه‌سی و بو ولایت‌ده اهالی اوچون ینگی ایش فرصتلری و فابریکه‌لر آچیلیشی امکانیتی‌نی یره‌تگن.
بیزلرنینگ فیسبوک صحیفه‌میزگه باش اورینگ!
جوزجان ولایتی‌ده‌گی یشاوچیلردن قطاری بو اقدام‌دن خورسند‌لیک بیلدیریب، بوتون اهالی‌‌نینگ برق‌دن فایده‌لنیشی مقصد اوشبو ولایت برچه تومن‌لریده برق تامین‌لنیشینی ایسته‌گنلر.
