خلق‌ارا خبرچیلر فدراسیونی بیر گزارش آرقه‌لی، جاری میلادی ییلده، ۹۴ خبرچی و میدیا ایشلاوچیسی نینگ اولیمی ثبت بولگنی و اولردن کوپینچه‌سی نینگ غزه ده یوز بیرگن سونگی آتیشمه‌لرده اولدیریلگنی نی اعلام قیلگن.
خلق‌ارا خبرچیلر فدراسیونی نینگ آماری اساسیده، جاری ییلده خبرچیلر اولیمی نینگ کمیده ۷۲ فایزی غزه ده‌گی آتیشمه‌لرده ثبت بولگن که، ۱۹۹۰-ییل‌دن حاضرگچه حربی آتیشمه‌لر نتیجه‌سیده، کوپینچه خبرچی نینگ اولگنی نی کورسته‌دی.
اوشبو گزارش‌ده خلق‌ارا خبرچیلر فدراسیونی باشلیغی دومینیک پرادالیه، بو کبی اولدیریلیشلر نینگ تیزلیککه توخته‌تیلیشی نی ایسته‌گن.
گزارش ده کیلیشیچه: «خلق‌ارا جمعیت اینیقسه خلق‌ارا جنایت محکمه‌سی اوز مسئولیت‌لری بیلن روپه‌ره بولیشی کیره‌ک و نیاز بولگنی صورت‌ده، خبرچیلر گه هجوم قیلیش بویروغی نی بیرلگن کیشی‌لر بیلن قانونی یانده‌شیلیشی کیره‌ک.»
بیزلرنینگ فیسبوک صحیفه‌میزگه باش اورینگ!
خلق‌ارا خبرچیلر فدراسیونی گزارشی‌ده، جاری میلادی ییلده افغانستان شامل آسیا ده ییتی خبرچی نینگ اولدیریلگنی یازیلگن دیر.
افغانستان ایرکین میدیالریدن حمایت قیلووچی نهاد (نی) مسئولی ظریف کریمی نینگ سلاموطندار گه ایتیشیچه، افغانستان ده خبرچیلر مصئونیتی، حاضرگچه خبرچیلر فعالیتی خصوصیده‌گی اصلی قیین‌چیلیکلردن بیری دیر.
اونینگ کوپه‌یتیریشیچه: «خبرچیلر امنیتی و مصئونیت قیین‌چیلیگی اوچون آزراق تنقدی گزارشلر یازه‌دیلر، خبرچیلر نینگ کوپراق امنیتی حمایت آستیده قرار تاپیشی نی ایسته‌یمیز.»
خلق‌ارا خبرچیلر فدراسیونی گزارشی نینگ باشقه بیر بولیمی‌ده، دنیاده خبرچیلر نینگ قول گه آلینیشی دوام قیلیشی نی بیان قیلیب و اوشبو نهاد نینگ آماری اساسیده، حاضر ۳۹۳ خبرچی و میدیا ایشلاوچیلری میدیا فعالیت‌لری سبب، حبس گه آلینگنلر.
شونده‌ی بیرحالده، حاضر ایسه دایکندی ده نسیم رادیوسی نینگ مدیرمسئولی سلطان‌علی جوادی، اسلام امیرلیگی نینگ قماق‌خانه‌سیده حبس گه دیر.
دایکندی محلی مسئولی و اسلام امیرلیگی عالی محکمه‌سی نینگ سلاموطندار گه ایتیشیچه، جوادی اسلام امیرلیگی گه قرشی تبلیغ قیلگنی سبب، بیر ییل حبس گه عیب‌لنگن.
بیزلرنینگ «ایکس» ترماغی ده هم تعقیب قیلینگ!
سلطان‌علی جوادی نینگ یقین‌داشلریدن اسماعیل نینگ ایتیشیچه: «بیر ییل حبس گه آلینیشی اوچون اونده‌ی بیر سبب یوق، بیراق حکومت نینگ ایتیشیچه، تشقی میدیالر بیلن ایشله‌ر ایکن.»
عین حالده، سرپرست حکومت معلومات و مدنیت وزیرلیگی نینگ اورغولشیچه، اوتگن ایکی ییلده، افغانستان ده خبرچیلر نینگ بیر-ایکی قتل واقعه‌سی یوز بیرگن؛ لیکن اوشبو وزیرلیک خبرچیلر مصئونیتی تأمین‌لنیشی خصوصیده ایشانچ بیره‌دی.
معلومات و مدنیت وزیرلیگی نینگ نشراتی ایشلری بوییچه معینی مهاجر فراهی نینگ سلاموطندار گه ایتیشیچه: «اسلام امیرلیگی نینگ قدرت گه ایریشگنی‌دن بیری، خبرچیلر نینگ اولیمی صفر گه ییتیشگن. اوتگن ایکی ییلده، بیر-ایکی واقعه‌میز بار ایدی و اوشبو واقعه ایسه مزارشریف ده یوز بیرگن ایدی.»
آلدین‌گی ییل‌لر گه قره‌گنده اوتگن ایکی ییلده خبرچیلر نینگ فیزیکی امنیتی کوپه‌یگنی بیرحالده؛ بیراق خبرچیلر نینگ ایتیشلریچه، سانسور و ایش امنیتی گه ایگه بولمه‌سلیک کبی ینگی قیینچیلیکلر بیلن روپه‌ره‌لر.
