ایشلر اداره‌سی نینگ عمومی ریاستی ملی خذمت‌لر و اداری اصلاحات اداره‌سی مسئوللری نینگ ایتیشلریچه، قمری جاری ییل جریانیده، شهرسازلیک و اوی-جای قوریش، کان‌لر وپترولیم، عامه فواید وزیرلیک‌لری و تخنیکی و مسلکی تعلیمات اداره‌سی، کابل بلدیه‌سی و بیر قطار ادارهلرده ۱۰ مینگ بوش بست آزاد رقابت گه قوییله‌دی.
اداری اصلاحات و ملکی خذمت‌لر اداره‌سی نینگ ولایتی ایشلری بوییچه تعیینات باشلیغی محمد‌یوسف غزنوی نینگ سلام‌وطندار گه ایتیشیچه، اوشبو ۱۰ مینگ بوش بست اوچون، شرکت قیلگن ۷۰-۱۰۰ مینگ کیشی‌دن الکترونیکی سیناو آلیش گه تیارگرلیکلری بار. اونینگ کوپه‌یتیریشیچه: «اوشبو ییل نینگ اوچ ربعی‌ده ۱۰ مینگ بست آزاد رقابت گه قوییله‌دی که بو آره‌ده، ۷۰-۱۰۰ مینگ کیشی‌دن الکترونیکی سیناو آلیش گه تیار‌گرلیگی‌میز بار و اوشبو بست‌لردن ۳-۶ تخنیکی و حمایوی بوش بست‌لر نینگ اعلان گه قوییلیشی ممکن.»
بیزلرنینگ فیسبوک صحیفه‌میزگه باش اورینگ!
باشقه بیر تاماندن، ملکی خذمت‌لر و اداری اصلاحات اداره‌سی، بوگون (سه‌شنبه، ۷-سنبله)، مهاجرلر و باش پناه ایزلاوچیلر بوییچه وزیرلیگی‌ده ۲۳ بوش بست اوچون الکترونیکی سیناو نی یولگه قویگن.
اوشبو سیناو یولگه قوییلیشی پیتده، مهاجرلر و باش پناه ایزلاوچیلر بوییچه وزیرلیگی نینگ بشری منبع‌لر باشلیغی مدیرگل احمدی نینگ ایتیشیچه: «اوشبو وزیرلیک نینگ ۲۳ بوش بستی گه ۳۰۰ کیشی آتی نی ثبت قیلدیرگن ایدی که، اولردن ۲۱۱ ته‌سی شرایط گه ماس تانیلگن.»
عین حالده، مهاجرلر و باش پناه ایزلاوچیلر وزیرلیگی نینگ بوش بست‌لر الکترونیکی سیناوی گه شرکت قیلیب و بوگون الکترونیکی سیناو گه قبول قیلینگنلردن قطاری نینگ ایتیشلریچه، بوش بست‌لرده‌گی حضوری مصاحبه‌لرده شفافیت یوق دیر.
کابل نینگ پول‌تخنیک بیلیم یورتی‌ده پلان‌گذارلیک فاکولتهسیده تحصیل قیلگن نیک‌محمد نینگ ایتیشیچه، بوندن آلدین شهرسازلیک و اوی-جای قوریش وزیرلیگی نینگ بوش بست‌لریده‌گی سیناو گه قبول بولگن ایکن؛ بیراق ملکی خذمت‌لر و اداری اصلاحات اداره‌سی آرقه‌لی حضوری مصاحبه‌دن کیین، شفافیت تامین بولمه‌گن.
اونینگ کوپه‌یتیریشیچه: «فکرمچه مصاحبه گه ۵۰ فایز‌دن نمره بیرمه‌سین‌لر یا-ده اونینگ نمره‌سی نی آز بیرسین‌لر و ایکینچی‌ده ایسه کامیاب بولگن و یوقاری نمره نی آله‌دیگن کیشی‌لر، شفافیت اوچون ایش گه شامل بولیش‌لری کیره‌ک و الکترونیکی سیناو‌دن کیین امتحان آلینگنی صورت‌ده؛ یعنی اونده شک بار دیر.»
شونینگدیک بلخ بیلیم یورتی نینگ بناسازلیک مهندس‌لیگی فاکولتهسیده تحصیل قیلگن سمیع، اسلام امیر‌لیگی‌دن ییگیت‌لر اوچون ایش زمینه‌سی یره‌تیلیشی نی ایسته‌یدی. اونینگ ایتیشیچه، حضوری مصاحبه‌ده حقی تلف بولیشی ممکن.
اونگه کوره: «نمره‌میز ییلمه‌یدی دیب الکترونیکی سیناو پروسه‌سی گه ایشانه‌میز؛ بیراق حضوری مصاحبه‌ده نمره‌میز ییله‌دی دیب شکی‌میز بار.»
لیکن ملکی خذمت‌لر و اداری اصلاحات اداره‌سی مسئوللری نینگ ایتیشلریچه، دولتی اداره‌لر نینگ بوش بست‌لر الکترونیکی سیناوی و شونینگدیک حضوری مصاحبه‌ده، شفافیت بار.
بیزلرنینگ توییترده هم تعقیب قیلینگ!
ملکی خذمت‌لر و اداره اصلاحات اداره‌سی باشلیغی عبدالحنان عارف‌الله نینگ ایتیشیچه: «الکترونیکی سیناو‌ده هیچ نمونه یوق که شفافیت بولمه‌گن بولسه و بوگون هم جلسه انه شوو سبب دیر که حق حق‌دار گه ییتیشسین.»
ایتیش کیره‌ک که، ملکی خذمت‌لر و اداری اصلاحات اداره‌سی نینگ آماری اساسیده، اسلام امیرلیگی نینگ قدرت گه ایریشگنی‌دن کیین، دولتی ادارهلرده «۳-۶» بوش بست‌لر آزاد رقابت گه قوییلگن که، اونده ۳۰ مینگ‌دن آرتیق کیشی آت‌لری نی یازگنلر و اولردن ۵ مینگ‌دن آرتیغی تور‌لی‌خیل ادارهلرده تعیین‌لنگن.
