آلتی آی آلدین ایران دن قیتیب و ایشسیزلیک همده امیدسیزلیک آرهسیده قالگن خیرالله حسینی؛ حاضر ایسه هرات شهرینینگ ۱۲-ناحیهسیدهگی بیر کافهنی مدیریت قیلیب و باشقه سکیز کیشیگه هم ایش زمینهسینی یرهته آلگن. شونینگدیک اونینگ کبی، ایران دن قیتریلگن یاشلردن قطاری هرات شهریده کیچیک و بویوک رستورانتلر و کافهلرنی آچیش بیلن ایشسیزلیکدن قوتیلیش مقصد حرکت قیلماقدهلر.
خیرالله حسینینینگ ایتیشیچه، بو کبی فضالرده یاشلرنینگ حضوری ایجابی اجتماعی فرهنگنی یرهتیشگه یاردم بیره آلهدی. «ایران ده کافهم بار ایدی و انه شوو بولیمده شغللنگن ایدیم. حاضر نهفقط اوزیم، بلکیم عیاللر و ایرککلر شامل سکیز کیشیگه ایش فرصتینی یرهته آلگنمین.»
بو محیطلر مملکتگه قیتریلگنلردن قطاری اوچون عملی تجربه، مهارت قولگه کیلتیریش و مستقل اقتصادی حیاتنی یرهتیش اوچون بیر باشلنغیچ بولیب و زمان اوتیشی بیلن یاشلر آرهسیده اوزیگه ایشانچ و امید یرهتیلیشنی کوپهیتیره آلگن.
هرات ولایتی جبرائیل شهرچهسیدهگی کافهلردن بیرینینگ مسئولی عبدالسمیع صالحی گه کوره، مملکت گه قیتگنیدن بیر ییل بولیب و کافه آچگنیدن بیش آی بولگن. «آلتی ایشلاوچیم بار و اولردن قطاری ایران دن قیتگن یا-ده بوندن آلدین ایشسیز بولگن ییگیتلر دیر. گرچند باشده دستلبکی مادهلرنی تیارلش و کرایهنینگ یوقاریلیگی کبی قیینچیلیکلر بیلن روپهره ایدیم؛ لیکن بو وضعیت هم شکر یخشیراق بولدی. کیلهجک اوچون هم پلانلریم بار که بو کافهنینگ ایکینچی بولیمینی آچسم و بو ایشلر بیلن یاشلرگه ایش زمینهسینی یرهتسم.»
قریب بیر ییل آلدین ایران دن مملکت گه قیتگن مسعوده سروری، بیر رستورانت آچیش بیلن سکیز قیز و ییگیتگه ایش زمینهسینی یرهتگن. «اوزیم تیل استادی مین و اوقووچیلریمنینگ اولکه گه قیتیب و ایشلش گه قیزیقیشلرینی کورگنیمده، ایشداشلریمدن بیری بیلن بو رستورانتنینگ آچیشگه قرار آلدیک.»
شونینگدیک مذکور کافهلر و رستورانتلر ایشلاوچیلرینینگ ایتیشلریچه، ایش و درآمد منبعسیگه ایگه بولیش، اولرنینگ حیاتیگه ایجابی تاثیر قویگن. بوندن آلدین ایشسیز بولیب و حاضر مذکور کافهلردن بیرینینگ مخصوص بولیمی ایشلاوچیسی بولگن آمنه محسنینینگ ایتیشیچه، بو کافهده ایشلش نهفقط اقتصادیگه تاثیر قویگن، بلکیم روحی نقطهی نظریدن هم حیاتی تغییر قیلیشی همده تورلیخیل گروهلر و کیشیلر بیلن تانیش فرصتی یرهتیلیشیگه سبب بولگن. «بو ییرده ایشلشیمده قریب ایکییریم آی بولهدی. بو مدتده عایلهمنی اقتصادی نقطهی نظری اینیقسه اوی کرایهسی تولهنیشی، اینترنت، سوو و برق خرهجتلریده یاردم بیره آلگنمین.»
شونینگدیک اقتصادی ایش بیلرمانلر، بو کبی جایلرنینگ کوپهیشینی اقتصادی اوزگریش و اوزیگه ایشانچنینگ کوپهیشی نشانهسی بیلهدیلر. هرات ده اقتصادی ایش بیلرمانلردن امانالله حسینزادهنینگ ایتیشیچه: «کافهلر و رستورانتلرنینگ آچیلیشی، محلی اقتصادنی فعالراق قیلهدی. باشقه بیر تاماندن، بو ییرده ایشلهیدیگن ییگیتلر تجربه و عملی مهارتلرگه ایگه بولهدیلر و کیلهجکده هم اوزلریگه ایش زمینهسینی یرهته آلهدیلر. شونینگدیک بو کبی جایلر آچیلیشی یاشلر آرهسیده فکر-ایده کوچلنیشیگه سبب بولیب و اولرنی امیدسیزلیک اورنیده ینگی فرصتلر نی یرهتیشگه تشویق قیلهدی.»
افغانستان گه ایران دن ییگیتلرنینگ قیتریلیشی جدی اقتصادی و ایش زمینهسی کملیگی قیینچیلیکلری بیلن روپهره قیلگن. اوشبو کیشیلردن قطاری ایران ده کوپینچه ییل حیات کیچیریب و حاضر ایسه حیات خرهجتلرینی تامینلش، مناسب ایش تاپیش و ینگی محیطگه اورگهنیش توغریسیده قیینچیلیکلر بیلن روپهرهلر.
