افغانستانلیک سپورتچی ایکی ایناغه فرید بشارت و جاوید بشارت، آزاد مبارزهلر تشکیلاتیده، برازیل و مکسیکولیک رقیبلریگه غلبه قازاندی.
اوشبو بیللشوولر، بوگون (۱۹ دلو / ۸ فبروری، یکشنبه) کابل وقتی بیلن بامداد پیتی، امریکانینگ لاسویگاس شهریده آزاد مبارزهلر (یوافسی) تشکیلاتیده اوتکزیلدی.
۳۰ یاشلی جاوید بشارت، بیش دقیقهلیک اوچ روند دن کیین، نهایتده حکملر تامانیدن بیریلگن امتیاز فرقی بیلن مکسیکولیک جیانی واسکز گه غلبه قازانیب و اوشبو بیللشوولر غالبی اعلان قیلیندی.
او حاضرگه قدر، ۱۵ مرته غالب و ایکی مرته هم رقیبلری برابریده مغلوبیت گه تن بیرگن.
شو بیلن بیرگه، آزاد مبارزهلر بولیمیده افغانستانلیک سپورتچیلردن باشقه بیری فرید بشارت هم حکملر تامانیدن بیریلگن امتیاز فرقی بیلن برازیللیک سپورتچی ژان ماتسوموتو گه غلبه قازاندی.
۲۸ یاشلی فرید بشارت، آزاد مبارزهلرده حاضرگه قدر هیچ مغلوب بولمهگن و بو غلبه بیلن ۱۵-غالبلیگینی تجربه قیلدی.
