جوزجان حاکمی شعیب رسالت و اوشبو ولایت نینگ امنیه قوماندانی سراج‌الدین احمدی، اوتگن کون جوزجان ولایتی فیض‌آباد تومنی «بالا مردیان» قیشلاغیده‌گی یانغین طفیلی زیان کورگنلر گه تسلی و یاردم بیریش مقصدیده اوشبو قیشلاققه بارگن ایدیلر.
اوتگن کون جوزجان حاکمی شعیب رسالت، جمعه نمازینی اوقیش دن آلدین نطق سوزلب، «بالا مردیان» قیشلاغیده‌گی یانغین‌نی «الهی عذاب» دیب و اهالی دن عبادت و تهجد نمازینی اوقیش بیلن توبه قیلیش‌لرینی سوره‌گن.
بیزلرنینگ فیسبوک صحیفه‌میزگه باش اورینگ!
جوزجان حاکمی نینگ ایتیشیچه، «بالا مردیان» قیشلاغیده‌گی قیینچیلیک برچه نینگ خواطری گه سبب بولگن.»
جناب رسالت نینگ کوپه‌یتیریشیچه: «شیخ‌لر و عالم‌لر بو احوال نی بوتونلی تدقیق و قرآن گه مراجعت قیلیش بیلن اثباتلشگن و قرآن ختمی بیلن آلدینی آلیش اوچون سعی و حرکت قیلماقده‌لر.»
شونینگدیک، جوزجان امنیه قوماندانی سراج‌الدین احمدی جمعه نمازینی اوقیش دن آلدین، «بالا مردیان» قیشلاغیده‌گی وضعیت‌نی «الهی آفت» دیب و اهالی نی «الله» گه دعا و عبادت قیلیش گه چقیرگن.
اونگه کوره: «حاضرگی وضعیت‌نی، ختم، خیرات و دعا دن باشقه چاره‌سی یوق و مسلمان‌لر مذکور تومن یشاوچیلری نینگ حقی گه دعا قیلیش‌لری کیره‌ک.»
شو بیلن بیرگه، «بالا مردیان» تومنی یشاوچیسی عبیدالله خالد، مذکور تومن نینگ زیان کورگن یشاوچیلری بیلن جوزجان محلی و خوفسیزلیک مسئوللری نینگ مالی یاردمی و همکارلیگیدن منتدارلیک بیلدیریب، اوشبو تومن یشاوچیلری قیین احوال ده ایکنینی معلوم قیلگن.
بیزلرنینگ توییترده هم تعقیب قیلینگ!
«بالا مردیان» تومنی نینگ اوشبو یشاوچیسی، اوشبو قیشلاق ده شیخ‌لر و عالم‌لر نینگ حضوری دن خبر بیریب کوپه‌یتیریشیچه: «شیخ‌لر و عالم‌لر، قرآن ختمی و خیرات بیلن جنیات اوستیگه غلبه قیلیش مقصدیده سعی و حرکت قیلماقده‌لر.»
عین‌حالده، جوزجان ولایتی نینگ فیض‌آباد تومنی «بالا مردیان» قیشلاغیده نیچه کوندن بویان یانغین دوام ایتماقده و حاضرگه قدر اونلب یشش اوی آلاو آلگن.