اسلام امیرلیگی ساغلیقنی سقلش وزیری نورجلال جلالی، خلقارا ساغلیقنی سقلش تشکیلاتینینگ پولیو بولیمی باشلیغی ایدوین سنیزا بیلن اوچرهشیب و صحبت قیلگن.
ساغلیقنی سقلش وزیرلیگی، اوتگن کون (۲۲-دلو، چهارشنبه)، اکس صحیفهسیده بیر بیانیه آرقهلی یازیشیچه، جلالی و سنیزا ساغلیقنی سقلش خادملری امکانیتی آشیریلیشی، بالهلر فلجی کسللیگیگه قرشی کورهش، بو کسللیکنی انیقلش لابراتوار بولیملرینی کینگهیتیریش و مالیهلشتیریش همده افغانستان ده ساغلیقنی سقلش خذمتلری رواجلنیشی توغریسیده، صحبت قیلگنلر.
بیانیه اساسیده، اسلام امیرلیگی ساغلیقنی سقلش وزیری، خلقارا ساغلیقنی سقلش تشکیلاتیدن، افغانستان ده پولیونی انیقلش زمینهسی یرهتیلیشینی سورهگن.
پولیو حاضرگچه افغانستان ده یوقالمهی و اسلام امیرلیگی، اوتگن تورت ییلده مملکتلر و تشقی نهادلردن، بو کسللیکنینگ یوقالیشی اوچون افغانستان بیلن همکارلیک قیلیشلرینی ایستهگن.
