خلقارا ساغلیق‌نی سقلش تشکیلاتی اوتگن کون (سه‌شنبه، ۲۵-ثور)، بیر گزارش ترقه‌تیش بیلن ایتیشیچه، افغانستان نینگ سوو تاشقینی‌دن زیان کورگن منطقه‌لریده عیال شفاکارلرگه نیاز بار. اوشبو نهاد نینگ کوپه‌یتیریشیچه، افغانستان ده یوز بیرگن سونگی سوو تاشقینلر نتیجه‌سیده، عیاللر و باله‌لر کوپراق زیان کوریب و انه شوو سبب، هر بیر ساغلیق تیم نینگ عیال ساغلیق ایشلاوچیلری گه نیازی بار.
خلقارا ساغلق‌نی سقلش تشکیلاتی گزارشی نینگ بیر بولیمی‌ده کیلیشیچه: «اهالی کوپراق سوو تاشقینی نتیجه‌سیده زیان کورگن و انه شوو سبب، هر بیر ساغلیق تیم نینگ عیال ساغلیق ایشلاوچیلریگه نیازی بار و خلقارا ساغلیق‌نی سقلش تشکیلاتی و همکار نهادلر حاضرگچه بغلان و تخار ولایت‌لریده زیان کورگن ۲۴۰۰ کیشی گه یاردم بیرگن و مذکور یاردم‌لر ۸۴۰ عیال، ۵۵۱ ایرکک، ۵۹۹ قیز و ۴۱۰ اوغیل اختیاری گه قرار تاپگن.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، بغلان و تخار ولایت‌لریده سونگی سوو تاشقین‌لریدن زیان کورگن عایله‌لردن قطاری نینگ سلام‌وطندار گه ایتیشلریچه، قیشلاقلریده عیال شفاکار یوق دیر.
بغلان ولایتی برکه تومنی «فلول» قیشلاغی یشاوچیسی سیف‌الله نینگ ایتیشیچه: «عیال شفاکار یوق؛ لیکن ایرکک شفاکار بار و عیاللر باریب ایرکک شفاکارلر یانیده درمان‌لنه‌دی.»
شونینگدیک تخار ولایتی اشکمش تومنی نینگ «چشمه‌ی ماهیان» قیشلاغی یشاوچیسی خال‌محمد محمودی نینگ ایتیشیچه: «اوتگن‌لرده هم قابله و شفاکار عیاللر یوق ایدی و حاضر دولتی و خصوصی نهادلر تامانیدن ساغلیق تیم‌لر باره‌دی و یالغیز ایرککلر نی درمان قیله‌دیلر و عیاللر گه هیچ قره‌لمه‌یدی.»
لیکن ساغلیق‌نی سقلش وزیرلیگی مسئوللری نینگ ایتیشلریچه، سوو تاشقینی‌دن زیان کورگن منطقه‌لرده ییترلیچه عیال و ایرکک ساغلیق ایشلاوچیلری نینگ حضوری بار.
بیزلرنینگ فیسبوک صحیفه‌میزگه باش اورینگ!
عامه ساغلیق وزیرلیگی سوزلاوچیسی شرافت زمان امرخیل نینگ ایتیشیچه: «البته بو بولیم‌لرده بو رقم هم ایمس که هیچ عیال شفاکار بولمسه؛ مذکور بولیم‌لرده سوو تاشقینی نتیحه‌سیده مرکزلریمیز ویران بولگن؛ لیکن عیال و ایرکک ساغلیق ایشلاوچیلری محل یشاوچیلری گه ساغلیق خذمتلر ارائه قیلماقده‌لر.»
ایتیش کیره‌ک که، بوندن آلدین هم عامه ساغلیق وزیرلیگی سرپرستی قلندر عباد، افغانستان نینگ عیال شفاکار کم‌لیگی بیلن روپه‌ره بولگنی نی ایتگن ایدی.
