خلقارا آزیق-آوقات دستوری نینگ ایتیشیچه، افغانستان ده اوچ ییل‌دن بیری کیت‌مه-کیت قوروق‌چیلیک و چیگیرتکه‌لر هجومی سبب، بو ییل اوشبو مملکت‌ده بوغدای حاصلی نینگ کمهیشی تخمین قیلینگن.
خلقارا آزیق-آوقات دستوری آرقه‌لی ترقه‌تیلگن ینگی گزارش‌ده، بو ییل افغانستان بوغدایی نینگ حاصلی ۳۰-۳۵ فایز کمهیشی پیش‌بینلیک بولگن. شونینگدیک اوشبو برنامه نینگ گزارشی اساسیده، گرچند بو ییل بوغدای تولیدی کمه‌یگن، بیراق اوتگن ییل‌لر گه نسبتاً یخشی‌راق بولگنی نی کورسته‌دی.
مذکور تشکیلات گزارشی نینگ بیر بولیمی‌ده کیلیشیچه: «افغانستان ده کیت‌مه-کیت اوچ ییل قوروق‌چیلیک‌دن کیین، ۲۰۲۳-ییل‌ده بوغدای نینگ ۳۰-۳۵ فایز تولیدی کمهیشی پیش‌بینلیک بولگن. گرچند اوتگن ییل‌لر گه نسبتاً بوغدای تولیدی یخشی بولگنی خصوصیده پیش‌بینلیک بولگنی بیرحالده، بیراق غربی ولایت‌لرده هم هر ییل بوغدای نینگ آزراق قولگه آلینیش احتمالی بار.»
بیزلرنینگ توییترده هم تعقیب قیلینگ!
شونده‌ی بیرحالده، ایکینچیلردن قطاری حاصللری نینگ کمه‌یشیدن خواطر بیلدیریب ایتیشلریچه، سوو کم‌لیگی و طبیعی آفت‌لر موجود‌لیگی، بوغدای حاصلاتی نینگ صفر گه ییتیشتیرگن.
سرپل ولایتی دهقان‌لریدن شاه محمد نینگ ایتیشیچه، اوچ ییل‌دن بیری سوو کم‌لیگی سبب درست بیر شکلده حاصل قولگه کیلتیرمه‌گن و برچه زحمتی نتیجه‌سیز بولگن. «ایکی اوچ ییل‌دن بیری بوغدای ایکه‌من، ۵۰ سیر‌دن ۷۰ سیر بوغدای‌دن هیچ بوغدای قولگه کیلمه‌یدی. چاروه‌چیلیک صفر گه ییتیشگن و هیچ بیر نرسه قولگه کیلمه‌یدی.»
شونینگدیک تخار ولایتی دهقان‌لریدن محمد صادق نینگ ایتیشیچه: «سوو کم‌لیگی سبب، ییرلریم‌دن یخشی حاصل قولگه کیلتیره‌آلمه‌دیم. بو ییل ایکی جای‌ده ییریم بار ایدی. بیری ۲۰ جریب و باشقه‌سی ایسه ۱۳ جریب ییر ایدی. هر ییل هر ییر‌دن ۸۰-۱۰۰ بوجی بوغدای قولگه کیلتیره‌ر ایدیم، بیراق بو ییل ایسه سوو یوق و حیران قالگن‌مین.»
مذکور ایکینچیلر نینگ ایتیشلریچه، اوتگن ییل هم بوغدای اورنیده ییرلریدن سمان قولگه کیلتیرگنلر.
شونده‌ی بیرحالده، اقتصادی ایش بیلرمانلردن قطاری نینگ ایتیشلریچه، مملکت‌ده بوغدای و اون کم‌لیگی بیلن قرشی کوره‌ش اوچون، سرپرست حکومت قولی‌ده بولگن منبع‌لردت قوللنیش بیلن، نرسه ایکیلمه‌گن ییرلر گه نرسه ایکیب و شونینگدیک ایکینچیلیک ییرلر گه سووغاریش زمینه‌سی نی یره‌تیشلری کیره‌ک.
اقتصادی ایش بیلرمان تاج‌محمد تلاش نینگ ایتیشیچه، قوش تیپه کانالی نینگ درست بیر شکلده مدیریت بولگنی صورت‌ده، شمالی ۹ ولایت نینگ ایکینچیلیک ییرلری درست بیر شکلده سووغاریلیشی ممکن
بیزلرنینگ فیسبوک صحیفه‌میزگه باش اورینگ!
جناب تلاش نینگ کوپه‌یتیریشیچه: «باش‌ده برنج، بوغدای، ارپه و جواری کبی نرسه‌لر ایکیله‌دی و کیین ایسه سوو بیریله‌دی. بو ایش افغانستان نینگ ایکی ییل‌دن کیین خود‌کفا‌لیککه ییتیشیشی ممکن. قوروق ییرلر اوستیده سرمایه یاتقیزیلیشی کیره‌ک. چونکه بو ایکینچیلیک سکتوری نینگ فایده‌سی گه دیر.»
شونینگدیک خلقارا آزیق-آوقات دستوری گزارشی‌ده قوروق‌چیلیک و افغانستان نینگ شمالی ولایتلری یانیده غربی ولایت‌لریده هم چیگیرتکه‌لر هجومی نی، جاری ییل‌ده بوغدای نینگ اورته ساندن آزراق قولگه کیلینیشی خصوصیده تاکید قیلگن.
ایتیش کیره‌ک که، بو توغریده ایکینچیلیک، سووغاریش و چاروه‌چیلیک وزیرلیگی نینگ فکری نی آلیش ایسته‌دیک؛ بیراق اوشبو وزیرلیک مسئوللری «مملکت‌ده بوغدای تنقیص‌لیگی بحرانینی باشقریش اوچون ایکینچیلیک وزیرلیگی نینگ حل یول‌لری» گه تیگیشلی سوراق‌لریمیز گه جواب قیته‌رمه‌دیلر.