شفیق نینگ کوپه‌یتیریشیچه: «هیچ نرسه ساتیب آلمه‌گن‌مین، حتا باله‌لر گه کییم هم آلمه‌گن‌مین. حاضر ایسه کیچه‌لر آچ یاته‌میز، قرنیمیز نی تویغزه آلمه‌یمیز نرسه آلیش خو اوزاق بیر ایش.»
بیزلرنینگ «ایکس» ترماغی ده هم تعقیب قیلینگ!
شفیق نینگ یانیده، ایشچیلردن باشقه بیری امرالله نینگ ایتیشیچه، قشاقلیک سبب هییت اوچون تیارگرلیک آلالمه‌گن.
او سرپرست حکومت‌دن نیازمند کیشی‌لرگه ایش زمینه‌سی یره‌تیلیشی نی ایسته‌گن. «هیچ قنده‌ی تیارگرلیک آلمه‌گن‌میز، نه کلچه ساتیب آلدیم و نه کیک، شو رقم چاکلیت هم آلالمه‌گن‌میز. بیر هفته‌ده بیر کون ایشله‌یمیز و اونینگ پولی نی اولراق قیرگه مصرف قیله‌یلیک.»
شونده‌ی بیرحالده، افغانستان ده بیرلشگن ملتلر تشکیلاتی نینگ خلق‌ارا آزیق آوقت دستوری گه کوره، کیچه‌لر افغانستان یشاوچیلری نینگ تورتدن بیری آچ اوخله‌گنی بیرحالده، میلیون‌لب کیشی هییت بیرمی نی نشانله‌یدی. مذکور نهاد قربان هییت بیرمی‌ده نیازمند کیشی‌لر گه یاردم بیریلیشی نی ایسته‌گن.
بیزلرنینگ فیسبوک صحیفه‌میزگه باش اورینگ!
اقتصاد وزیرلیگی سوزلاوچسی عبدالرحمان حبیب نینگ ایتیشیچه، مذکور وزیرلیک افغانستان ده قشاقلیک کمه‌یشی اوچون بیر قطار برنامه‌لر نی قولگه آلگن. اونینگ کوپه‌یتیریشیچه: «قشاقلیک رقمی نی کمه‌یتیریش اوچون اوزون و قیقسه مدت‌لی برنامه‌لریمیز بار و اسلام امیرلیگی افغانستان نینگ آستقورمه برنامه‌لری اوچون مذکور وزیرلیک نینگ لایحه‌لری گه اولویت بیرگن.»
ایتیش کیره‌ک که، بوندن آلدین بیرلشگن ملتلر تشکیلاتی نینگ انسان‌پرورلیک یاردم‌لر نی هماهنگ قیلووچی دفتری (اوچا)، افغانستان جمعیتی‌دن یریمی نینگ انسان‌پرورلیک یاردم‌لر گه نیازمند بولگنی و اولر گه یاردم بیریش اوچون ۳.۱ میلیارد دالر گه نیاز بولگنی نی ایتگن ایدی که حاضرگچه اونینگ ۲۰ فایزی تامین‌لنگن.
