فلسطین ساغلیق‌نی سقلش رسمی‌لری‌نینگ اعلام قیلیشلریچه، غزه‌نینگ بیر قطار بولیملریگه اسرائیل آرقه‌لی اویوشتیریلگن هجوملر نتیجه‌سیده، کمیده ۶۹ کیشی قربان بولیب و اونلب کیشی ایسه یره‌لنگن.
خلق‌ارا ییتکرمه‌لر‌نینگ گزارش بیریشیچه، مذکور کیشی‌لر اوتگن ۲۴ ساعت‌ده نوار غزه‌نینگ تورلی بولیملریگه اسرائیل اردوسی آرقه‌لی اویوشتیریلگن هجوملر نتیجه‌سیده قربان بولگن.
بیزلرنینگ «ایکس» ترماغی ده هم تعقیب قیلینگ!
گزارشلر اساسیده، اوشبو کیشی‌لردن قطاری نوار غزه‌ده فلسطین‌لیک آواره‌لر کمپی‌گه اسرائیل اردوسی‌نینگ اویوشتیرگن تورت هجومی‌ده قربان بولگنلر.
اسرائیل و حماس آره‌سیده‌گی توقنشوولر باشلنگنی‌دن ۱۴ آی اوتیب و بو مدت‌ده، غزه ده اوروش توخته‌تیلیشی اوچون بولگن سعی‌وحرکتلر نتیجه بیرمه‌گن.
بیزلرنینگ فیسبوک صحیفه‌میزگه باش اورینگ!
فلسطین ساغلیق‌نی سقلش وزیرلیگی‌نینگ بیرگن معلوماتی اساسیده، اسرائیل و حماس آره‌سیده توقنشوولر باشلنگنی‌دن حاضرگچه، فلسطین‌لیک ۴۴ مینگ ۹۷۶ کیشی قربان بولیب و ۱۰۶ مینگ ۷۵۹ کیشی ایسه یره‌لنگن. شونینگدیک بو مدت‌ده، ۷۰۰دن آرتیق اسرائیل عسکری هلاک بولگن.
